Sanksionet perëndimore dhe recesioni i gjatë detyruan ushtrinë ruse të zvogëlojë shpenzimet ushtarake me 20 për qind vitin e kaluar.
Kjo është tkurrja e parë e saj në pothuajse dy dekada, tha në një raport Instituti Ndërkombëtar për Paqe.
“Pavarësisht se Rusia tregoi ‘muskujt’ ushtarakë në gjithë botën, me aneksimin e Krimesë në vitin 2014, me mbështetjen e separatistëve në lindje të Ukrainës dhe me përfshirjen e saj në luftën në Siri qysh në vitin 2015, Moska është detyruar të shkurtojë shpenzimet ushtarake në një mënyrë që i vë në dyshim operacionet e ardhshme”, thuhet në raport.
Sipas tij, Rusia tani është e katërta sa u përket shpenzimeve ushtarake, ndërsa në tre vendet e para janë Shtetet e Bashkuara, Kina dhe Arabia Saudite.
Raporti po ashtu thekson se kjo është tkurrja e parë e shpenzimeve ushtarake të Rusisë qysh në vitin 1998.