Kryetari i PDK-së në Prizren, Shaqir Totaj, u ka uruar besimtarëve myslimanë festën e Kurban Bajramit.
“Me rastin e festës së Kurban Bajramit, dega e PDK-së në Prizren, uron të gjithë besimtarët e besimit Islam në Komunën e Prizrenit, me urimet më të përzemërta që ditët që do vijnë, të na gjejnë të bashkuar rreth sfidave, por edhe për sukseset tona të përbashkëta”, thuhet në urimin e Totajt.
“Festa e Kurban Bajramit, përçon kultivimin e gjithëhershëm të dy dimensioneve, atë hyjnor dhe human”.
“Përkushtimet tona të përbashkëta shoqërore, do jenë të vazhdueshme në krijimin e kushteve më të mira për jetë dhe mirëqenie, për të gjithë qytetarët e komunës sonë”.
“Festa e Kurban Bajramit, është simbol i paqes, i gëzimit, i harmonisë, i qetësisë shpirtërore, moment i lartësimit të
Krijuesit tonë, dhe koha e përkushtimit të gjithëmbarshëm për afrim mes njerëzve”./PrizrenPress.com/