Drejtori i Shëndetësisë në Prizren, Visar Shehu, ka thënë se Parku i Inovacionit nuk do të shndërrohet në karantinë për të prekurit nga koronavirusi.
“Këtë e kemi thënë disa herë si qeverisje lokale, por më duhet të përsëris pasi kreu i një partie opozitare po përhap dezinformata në opinion krejtësisht për qëllime politike”, ka thënë Shehu.
“Komuna jonë ka ndërmarrë të gjitha masat të urdhëruara nga Ministria e Shëndetësisë, stafi mjekësore është mobilizuar maksimalisht si dhe për momentin kemi edhe mjete të mjaftueshme për tu përballur me epideminë e koronavirusit”.
“Nuk ka vend për panik, e aq më pak për përhapje të dezinformatave”.
“Të gjithë ata që duan të kontribuojnë këto ditë për të mirën e përbashkët janë të mirëseardhur”./PrizrenPress.com/