Me sa duket, nisja e vitit të ri shkollor në shkollën “Aleks Buda” në Tiranë nuk ka qenë aspak i qetë. Mësohet se gjatë minutave të fundit një konflikt mes dy mësuesve në këtë shkollë, ka çuar në degradimin e debatit deri në konflikt fizik.
Dy mësuesit janë përleshur mes tyre dhe për të ndaluar sherrin mësohet se kanë ndërhyrë nxënësit, të cilët kanë qenë të pranishëm në ambientet e shkollës. Një ngjarje e tillë të çon natyrshëm në pyetjen “Ky është mesazhi dhe modeli që nxënësit shqiptarë në shkollat e vendit marrin nga dhënësit e dijeve?”.
Ndërkaq, policia ka mbërritur në vendngjarje dhe është duke punuar për zbardhjen e detajeve të këtij konflikti.