Kontrata e parë e nënshkruar për incizim këngësh nga grupi i famshëm, The Beatles, do të dalë në ankand muajin e ardhshëm më një vlerë prej 150,000 dollarësh.
Kontrata që ka gjashtë faqe ishte nënshkruar në vitin 1961 në Hamburg nga John Lennon, Paul McCartney, George Harrison dhe Pete Best.
John Lennon ishte nënshkruar si JW Lennon kurse Paul McCartney me emrin e tij të plotë James Paul McCartney.
Dokumentet i kishte dizajneri grafik gjerman, Uwe Blaschke, i cili merrej me historinë e The Beatles. Ai vdiq në vitin 2010.