“Shkollat e shekullit 21” është program arsimi ambicioz trevjeçar, i dizajnuar dhe zbatuar nga “British Council” dhe i financuar nga qeveria e Britanisë së Madhe.
I realizuar në bashkëpunim me Drejtorinë e Arsimit në Dragash, ky program synon të pajisë me aftësi të mendimit kritik dhe zgjidhjes së problemeve 1 982 nxënës të moshës 10-15 vjeç, fillimisht për 5 shkolla në Komunën e Dragashit.
Përveç mësimit të aftësive të mendimit kritik dhe zgjidhjes së problemeve, fëmijët do të mësojnë aftësi praktike të programimit dhe do të kenë mundësi t’i praktikojnë aftësitë e tyre përmes informatikës fizike.
“Si pjesë e programit, shkollave do t’ju sigurohen 1 50 pajisje ‘microbit’-i, kompjuterë me përmasa që mbahen në xhep, të cilët fëmijët mund t’i programojnë dhe t’i përdorin në lëndë të ndryshme për të zgjidhur problemet e përditshme. Për të konkurruar në tregun global të punës, aftësitë si zgjidhja e problemeve, mendimi kritik, njohuritë digjitale dhe krijimtaria janë çelësi i suksesit”, ka njoftuar Komuna e Dragashit.
/Epoka e re/