17.8 C
Prizren
E premte, 24 Maj, 2024

Shpërfillet familja e Amsera Rekës, e mbijetuara e Restelicës

AmsereReka-restelicaNëse shumica e qytetarëve të Kosovës këtë vit do t’u gëzoheshin reshjeve të munguara të borës, banorët e Restelicës u frikësohen atyre. Nga bora, dy vjet më parë, kishin pësuar rëndë familjet e kësaj ane. Rruga që çon te këto shtëpi nuk frekuentohet thuajse nga askush, përveç bagëtive.

Nga fatkeqësia e shkurtit të vitit 2012 kishte shpëtuar vajza Amsera Reka. Ajo tani jeton me gjyshin e saj në lagjen Arbana në Prizren. Gjyshi i saj, Kamber Balje, duke mos dashur të flasë para kamerës, ka treguar se nuk kanë marrë asnjë ndihmë nga shteti, raporton KTV.

Pavarësisht se i ishin premtuar 10 mijë euro nga Presidentja Jahjaga si dhe ndërtimi i shtëpisë nga ministri i Punëve të Brendshme, Bajram Rexhepi, një gjë e tillë ende nuk ka ndodhur. Për mosdhënien e këtyre ndihmave ka folur edhe nënkryetari i Komunës së Dragashit, Qasip Kushi.

E në Zyrën e Presidentes i kanë thënë KTV-së se i kanë dërguar një letër kryetarit të Komunës së Dragashit, me të cilën kanë kërkuar që të përcaktohet përfundimisht një xhirollogari ose një llogari bankare, institucionale, ku do të derdheshin mjetet e premtuara nga Presidentja për të mbijetuarit e tragjedisë së Restelicës, mirëpo deri tani nuk kanë marrë kurrfarë përgjigje nga Komuna e Dragashit.

RestelicaNdërkohë, njerëzit e paktë që mund të takoje në këtë pjesë të fshatit, thonë se nuk janë ndihmuar nga askush deri tash. Ata kanë frikë se kjo gjë mund të përsëritet.

Më Shumë

Trepça kampion i Kosovës

Klubi mitrovicas Trepça e ka fituar titullin e kampionit të Kosovës, pasi mposhti në finale Golden Eagle Yllin. Me seri prej 3:2, mitrovicasit triumfuan në...

Testi i Arritshmerisë këtë vit do të mbahet dy ditë, më 25 dhe 28 qershor

Mbi 23 mijë nxënës më datë 25 dhe 28 qershor do t’i nënshtrohen testit të Arritshmërisë. Këtë vit shpërndarja e nxënësve nëpër klasa do...

Lajmet e Fundit