9.8 C
Prizren
E martë, 21 Mars, 2023

Shqyrtohet ndryshimi i lokacionit për shkollën e re të muzikës në Prizren

Organet komunale të Prizrenit ende nuk kanë lëshuar leje për ndërtimin e godinës së re të shkollës së muzikës në këtë qytet.

Sipas zyrtarëve përgjegjës të ekzekutivit, po shqyrtohet mundësia për ndryshimin e lokacionit për realizimin e këtij projekti kapital. Madje, kanë pranuar se lokacioni i caktuar nga përbërja e kaluar e Kuvendit të Komunës ka paqartësi juridike, shkruan sot Koha Ditore.

Ndërsa opozitarët që patën kundërshtuar vënien e gurit themeltar në lokacionin afër rrethit të Stacionit të Autobusëve, kanë theksuar se zyrtarët e qeverisë komunale një vit më pas po i vërtetojnë një nga një të gjitha kritikat e shprehura për shkeljet ligjore në këtë rast.

Drejtori i Urbanizimit dhe Planifikimit Hapësinor, Fatmir Memaj, ka konfirmuar për gazetën se ky dikaster ende nuk ka lëshuar leje për ndërtimin e shkollës së muzikës.

“Jemi duke e shikuar mundësinë me ndërrua lokacionin. Situata juridike për lokacionin e caktuar (te ish-Benafi) nuk është e qartë për mua si drejtor i DUPH-së, sepse ka shkresa nga ministritë se ai vendim i KK-së është në kundërshtim me vendimin e mëparshëm për Planin Rregullues Urban për atë lokacion”, ka deklaruar Memaj.

Më Shumë

Almeda Abazi shtrihet në spital

Almeda Abazi duket se është në gjendje jo të mirë shëndetësore. Përmes një instastory ajo është shfaqur e shtrirë në spital. E bukura shqiptare zbuloj se...

Bukëpjekësi nga Hasi impresionon kroatët me çmimin e lirë të bukës

Bukëpjekësi shqiptar Lulëzim Qenaj ka vendosur t’i gëzojë qytetarët në Kroaci duke e ulur çmimin e bukës së bardhë në 60 centë, nga 1.60...

Lajmet e Fundit