0.8 C
Prizren
E diel, 29 Janar, 2023

Situatë e qetë, Malisheva nuk është prekur nga vërshimet

Komuna e Malishevës bëri të ditur se pavarësisht të reshurave të pandërprera në këtë komunë situata është e qetë dhe stabile, pasi nuk janë regjistruar vërshime dhe as dëme.

Komuna njofton se situata është monitoruar në vazhdimësi nga ana e ekipeve përgjegjëse komunale dhe të sigurisë, dhe kjo situatë vazhdon të monitorohet dhe menaxhohet.

“Gjatë gjithë ditës së djeshme, gjatë natës dhe në mëngjesin e sotshëm, Drejtoria për Mbrojtje dhe Shpëtim, me ekipet të saj, ka qenë dhe është në terren në monitorim të situatës”, thuhet në njoftim.

Sipas drejtorit i kësaj drejtorie, Shqipron Shala, të gjitha rrugët janë të kalueshme dhe vetëm në rrugën “Hamdi Berisha” në qytet, ka prani të ujit në rrugë, por rruga është e kalueshme.

Po ashtu investimet dhe intervenimet konkrete për shkarkimin e ujërave atmosferik në rrugën “Ibrahim Mazreku”, pastrimi nga mbeturinat i gypave shkarkues dhe pastrimi në disa pjesë në lumin Mirusha, kanë ndikuar në evitimin e vërshimeve.

Sipas Shalës, të gjitha shërbimet janë duke u zhvilluar normalisht dhe pa probleme, përfshi shërbimet shëndetësore, zhvillimi i procesit mësimor, transporti, furnizimi me ujë dhe grumbullimi i mbeturinave.

Ai tha se ekipet e shpëtimit nga njësia në  Malishevë, kanë intervenuar në komunat tjera, sipas kërkesës nga Agjencia për Menaxhimin e Emergjencave, përkatësisht kanë ndihmuar Komunën e Skenderajt./

Më Shumë

Dr. Hasan Arzoallxhiu caktohet udhëheq i spitalit të Prizrenit

Dr. Hasan Arzoallxhiun është caktuar udhëheqës i spitalit “Prim. Dr. Daut Mustafa” në Prizren. Caktimi i Dr. Hasan Arzoallxhiut bëhet pasi drejtoresha ezkekutive Spitalit të...

Real Madrid nuk dëshirojnë të inkuadrohen në dramën që e rrethon Mbappe-n në PSG

Real Madridi është thjesht spektator i situatës së Kylian Mbappe në Paris Saint-Germain dhe ata nuk janë të gatshëm të përfshihen në dramën që...

Lajmet e Fundit