Sot në Serbi po mbahen zgjedhjet e përgjithshme parlamentare.
Ato ishin paraparë të mbahen në muajin prill, por që u shtynë për shkak të situatës me pandeminë.
Janë afro shtatë milionë qytetarë me të drejtë vote që pritet të i drejtohen kutive të votimit sot.
Një mundësi për të votuar do ta kenë edhe serbët në Kosovë.
Sipas sondazheve të publikuara fitues do të jetë partia e udhëhequr nga presidenti Aleksandër Vuçiq.
Në vitin 2016-të kjo parti arriti të marrë besimin e 48 për qind të votuesve.
Në vendin e dytë ishte renditur me 12.5 për qind Partia Socialiste e Ministrit të Jashtëm Ivica Daçiq.
Opozita është e ndarë midis radikalëve që kanë shpallur bojkotimin e zgjedhjeve dhe disa partive të vogla të vlerësuara me vetëm tre për qind nga sondazhet.
Vuçiq është në pushtet prej tetë vitesh në postin e kryeministrit dhe presidentit.