Liverpooli është afër transferimit të portierit shqiptar, Tomas Strakosha nga Lazio.
Trajneri i “Redsave”, Jurgen Klopp, është në kërkim të një portieri të ri gjatë kësaj vere, me Simon Mignoletin që pritet të largohet nga klubi dhe dyshimet për të ardhmen e Loris Kariusit, pas gabimeve në finale të Ligës së Kampionëve.
Liverpooli është lidhur me një transferim të Alissonit të Romës, por Strakosha është një tjetër portier që mbetet në listën e klubit anglez dhe sipas Calciomercatos, “Të kuqtë” kanë mundësi të mirë për transferimin e tij.
Calciomercato raporton se Lazio është afër të sigurojë zëvendësimin e Strakoshës. Ata pritet të transferojnë Silvio Proton nga Olympiacosi.
Portieri i kuqezinjve ishte i rregullt te Lazio sezonin e kaluar, duke realizuar 53 paraqitje në të gjitha garat.
Lexo më shumë në: http://www.gazetaexpress.com/sport/strakosha-afer-liverpoolit-550988/?utm_source=referral&utm_medium=web&utm_campaign=copyright