Policia e Kosovës ka ndaluar për 48 orë, L.K., (1978), pasi që pas kontrollit në shtëpinë e tij, janë gjetur dhe sekuestruar tri pushka, pistoletë dhe shumë fishekë.
Kështu ka bërë të ditur Policia përmes një komunikate për media, ku thuhet se i dyshuari është i njohur si recidivist i veprës penale “Mbajtje në pronësi, kontroll ose posedim i paautorizuar i armëve”.
Njoftimi i plotë:
Sot, në bazë të Urdhëresës se Gjykatës Themelore të Prizrenit njësiti i hetimeve të policisë në Suharekë së bashku me njësit tjera policore kanë kontrolluar shtëpinë e të dyshuarit L.K i lindur në vitin 1978 në Suharekë, ku gjatë kontrollit në shtëpinë e të dyshuarit kanë gjetur dhe janë sekuestruar:
1.Një pushkë automatike AK-47
2. Një pushkë Gjuetie ,Zbrojovka Brno
3. Një pushkë gjuetie, Sarsilmaz Silah sanay-duzce,Model 2803-12GGA26
4.Një pistoletë ajrore RWS cal.4.5mm
5. Dy karikator te AK-47
6. Shtatëmbëdhjetë (17) fishek te pushkës se gjuetisë GA-12
7. Njëzeteshtatë(27) fishek te cal.7.62
8.Pjesë te pistoletës ajrore Umarex12gCO-Bulb
9.Diabolla pro magnum cal.4.5, 300 copë
10. Dy rrethator për vendosjen e di bollave
11. Një mbajtëse fishekësh për pushkë gjuetie.
I dyshuari është i njohur si recidivist i këtyre veprave penale, ku lidhur me aktivitetin e tij kriminal i falënderojmë qytetare për një bashkëpunim te mire me policin e Kosovës dhe fal ndihmës se tyre është arrit, qe i dyshuari te ndalohet nga ana e policisë.
Rasti po hetohet së bashku me Prokurorinë e Shtetit dhe me aktvendim të prokurorit te shëtit i dyshimti është ndaluar në mbajtje në afat prej 48 orë.