Disa nga të lënduarit në Spitalin Modul të Tetovës janë nisur drejt Qendrës Klinike të Shkupit për mjekim të mëtejmë, pas plagëve që kanë marrë nga flakët e zjarrit.

Ministria e Shëndetësisë së Maqedonisë së Veriut konfirmon se nga zjarri që kaploi spitalin në Tetovë ka edhe viktima, dhe se për momentin po vërtetohet numri i personave që kanë humbur jetën, të lënduarit dhe gjendja e tyre.

Shpërthim në Spitalin Modular të Tetovës, raportohet për viktima

Para pak çastesh ka ndodhur një shpërthim tek Spitali Modular i Tetovës.

Raportohet se nga zjarri ka edhe viktima, ndërkohë që nuk dihen shkaqet e zjarrit, raporton Alsat.mk, transmeton Klankosova.tv.

Në vend ngjarje kanë arritur zjarrfikësit dhe po tentojnë të shuajnë zjarrin dhe të nxjerrin pacientët që ishin të shtruar për kurim në spital.