Dhjetëra anëtar të rinj të LDK-së kanë aderuar sot në PDK të Malishevës. Të gjithë aderuesit janë anë nga fshati Astrazup. Ata kanë thënë se aryea kryesore pse kanë aderuar në PDK ka qenë punë që kryetari Isni Kilaj ka realizuar deri më tash .
“Jemi të kënaqur me punën tuaj si kryetar. Puna dhe angazhimi juaj, na ka bërë që t’ju përkrahim dhe ti bashkohemi PDK-së. Ju jeni i vetmi person që keni punuar për Astrazupin”, kanë thënë aderuesit e rinj të PDK-së
Në anën tjetër, kryetari dhe kandidati i PDK-së për Kryetar të Komunës, Isni Kilaj, pasi i falënderoi anëtarët e rinj, tha se të gjitha partitë shqiptare në vend, janë kombëtare, por ajo që PDK-në e dallon nga të tjerat, është puna dhe angazhimi në raport me qytetarët”.
“Nga viti 2003, PDK qeverisë me Malishevën dhe deri më tani kemi arrit ti realizojmë shumicën e premtimeve, sidomos në rregullimin e infrastrukturës, si kanalizime, rrugë, trotuare, ujësjellës, shkolla dhe të tjera”, tha Kilaj.
Kilaj, kërkoi që investimet e fundit, të mos i lidhin me fushatë elektorale, pasi këto investime, kanë qenë premtim i bërë dhe të planifikuar të realizohen gjatë këtij viti.
Në fund të këtij takimi, para dhënies zyrtare të librezave të anëtarësisë, Kilaj, premtoi që brenda tri viteve në Astrazup, do të ndërtohet edhe objektin e ri të shkollës për këtë fshat, pasi objekti aktual, nuk i plotëson, as nevojat dhe as standardet për mësim në kushte normale”. .PrizrenPress.com/