25.8 C
Prizren
E martë, 23 Korrik, 2024

Rexhaj: “Shtëpinë e Bardhë” do ta shndërroj në Qendër kulturore të Prizrenit

Arber rexhaj ne konferencKandidati i Vetëvendosjes! për kryetar të Prizrenit, Arbër Rexhaj ka thënë se kjo lëvizje aktualisht është në fazën e përfundimit të alternativës Qeverisëse për Komunën e Prizrenit.

Ai tha se në bazë të diskutimeve të shumta me qytetarë dhe duke u bazuar ne hulumtimet serioze te subjekteve dhe organizatave të ndryshme mbi potencialet ekonomike të qytetit të Prizrenit, Lëvizja Vetëvendosje! në programin e vet qeverisës do t’i përfshijë rekomandimet e tyre, pra, kulturën si potencial i rëndësishëm për zhvillim ekonomik

“Konsiderojmë se mundësitë dhe infrastruktura aktuale që ofron pushteti lokal nuk janë të mjaftueshme për zhvillimin e aktiviteteve kulturore, veçanërisht në kushte kur ka tendencë të vazhdueshme të rritjes së tyre. Sot Prizreni, pavarësisht se manifeston një afinitet të jashtëzakonshëm për kulturë dhe pavarësisht se kultura është dëshmuar të jetë një prej sektorëve kryesorë për zhvillim ekonomik lokal, ne akoma nuk kemi një një qendër të mirëfilltë kulturore të qytetit”, tha Rexhaj.

Sipas tij, institucione të pushtetit lokal i kemi që funksionojnë në objekte super-luksoze, të cilat edhe në kushtet e aktivitetit më kulmor të tyre, nuk arrijnë t’i shfrytëzojnë hapësirat që disponojnë objektet e caktuara. “Hapësira dhe objekti ku aktualisht është e vendosur Ansamble Komunale e Prizrenit, pra “Shtëpia e bardhë”, i tejkalon në tërësi nevojat aktuale që i ka ky institucion. Vazhdimi i shfrytëzimit të saj nga ky institucion aq pasiv, do të vazhdon të jetë në funksion të praktikave të përdorimit joracional të mundësive që ka dhe ofron hapësira publike e Prizrenit”, tha Rexhaj.

Shtepia e Bardhe-PrizrenLëvizja Vetëvendosje! në Prizren, sipas tij, në alternativën e saj do ta përfshijë idenë e ndryshimit të destinacionit aktual të Asamblesë Komunale te Prizrenit në një objekt më adekuat për punën e saj. Kurse “Shtëpinë e bardhë”, ta shndërrojë në Qendër Kulturore të qytetit! Ai tha se ky objekt i bukur i qytetit të Prizrenit do të vihej në shërbim të të gjithë qytetarëve të Prizrenit dhe më gjerë.

“Mendojmë se zhvendosja e Asamblesë Komunale në një objekt tjetër i cili do të ofronte mundësi të mjaftueshme në harmoni me intensitetin e punës së saj, do të tregonte një përkushtim të pushtetit lokal në menaxhim më të mirë të aseteve të veta. Kurse shndërrimin e “Shtëpisë së bardhë” në Qendër kulturore të qytetit, do të tregonte vendosshmërinë për zhvillimin e kapaciteteve kulturore të Prizrenit në dobi të zhvillimit ekonomik lokal, meqë tashmë është fakt se kultura është sektor kryesor për zhvillim”./PrizrenPress.com/

 

Më Shumë

Qytetarët e Rahovecit dalin zbathur për ta larguar ujin – pusetat e mbyllura

Shiu i madh i cili ka filluar tashmë në komunën e Rahovecit menjëherë ka bllokuar rrugët e qytetit nga uji i madh dhe për...

Shaqiri mund të rikthehet në Basel

Xherdan Shaqiri mund të rikthehet në Basel, aty ku u formua si lojtar profesionist. “Mendoj se nëse të dyja palët duam me të vërtetë kalimin...

Lajmet e Fundit