Rreth orës 17:00, Policia në Suharekë kishte pranuar një informatë e cila bënte me dije se në fshatin Sopijë janë dëgjuar disa të shtëna nga arma e zjarrit.
Më pas policia e ka kuptuar se në qendër të fshatit pas një sherri në mes të viktimës dhe dy të dyshuarve është përdorë arma e zjarrit.
Në vendin e ngjarjes janë gjetur dhe sekuestruar edhe shtatë gëzhoja të fishekëve ndërkaq viktima ka kërkuar ndihmë mjekësore në Spitalin Rajonal në Prizren.
Viktima sipas raporteve mjekësore ka tri plagë nga arma e zjarrit dhe një nga goditja me mjet të fortë por është jashtë rrezikut për jetë.
I dyshuari kryesor është arrestuar nga policia rreth orës 22:00 dhe iu është sekuestruar arma e cila dyshohet të jetë përdorur në këtë rast.
Policia njofton se ka indikacione se së shpejtë mund të arrestohet dhe i dyshuari i dytë. /PrizrenPress.com/