Një 39-vjeçar në Burrel, është arrestuar në flagrancë nga policia në momentin kur po hynte në një mini-market për ta vjedhur me thyerje.
Sipas njoftimit të policisë mësohet se personi i arrestuar është autor edhe i 5 vjedhje të tjera.
Specialistët për Hetimin e Krimit në Komisariatin e Policisë Mat arrestuan në flagrancë Ismail Dishukën, 39 vjeç, banues në Burrel (i dënuar më parë për vjedhje).
Arrestimi i tij u bë pasi, rreth orës 03.00 të natës mes të shtunës dhe të dielës ai është konstatuar në Burrel nga patrulla e policisë me maskë në fytyrë, me doreza dhe një levë duke tentuar të hapë dyqanin mini-market në pronësi të shtetasit A.M, 46 vjeç.