Deputetja e Aleancës për Ardhmërinë e Kosovës, Melihate Tërmkolli theksoi se ka shtatë vite që nga koalicioni i parë ndërmjet PDK-LDK, dhe asaj i duhet të përsërisë të njëjtën pyetje, ende të pa sqaruar.
“Ka shtatë vjet që deputetë të LDK-së që para shtatë viteve e kam pas paraqit të njëjtën çështje, atëherë e shtrova çështjen si u bë ky koalicioni pa u sqarua disa gjëra. Dhe ato gjëra, ai sqarim është mëse i domosdoshëm, kur kryetar i parlamentit u zgjodh një person që ka qenë në krye të një organizate të quajtur SHIK. A e dinë këta njerëz, kush i vrau njerëzit politikë, kush e vrau Xhemajl Mustafën, Ismet Rracin, Smajl Hajdarajn, Tahir Zemajn, Bardhyl Ajetin… Ende nuk është dhënë përgjigja se kush i ka vrarë. Dhe ky koalicion vazhdon pa i sqaruar këto vrasje”,theksoi ajo.
Sipas saj, kjo gjë, në vende të zhvilluara si Amerika nuk do të lejohej.
“Tek ne lejohet sepse tek ne, shantazhi është ai që udhëheq shtetin, korrupsioni është ai që udhëheq shtetin”, vlerësoi Tërmkolli. /Telegrafi/