Kryetari i PDK-së në Prizren, Shaqir Totaj ka ngushëlluar familjen e mjekut Nexhip Berisha, i cili humbi sot betejën me COVID-19.
“Partia Demokratike e Kosovës dega në Prizren, me keqardhje e pranoi lajmin e vdekjes të veprimtarit të çështjes kombëtare dr.Nexhip Berisha”, thuhet në telegramin ngushëllues të Totajt.
“Ndarja nga jeta e njërit prej mjekëve më të përkushtuar mbi të gjitha një model i humanistit, është humbje jo vetëm për familjen, komunitetin e mjekëve, miqtë, por edhe më gjerë”.
Nexhip Berisha ishte njëri prej themeluesve të PDK-së në Prizren.
Ai, me angazhimin dhe përkushtimin e tij të palodhshëm, la shembullin e tij më të mirë, se si të veprojnë dhe si të punojnë gjeneratat e reja, në të mirë të Republikës së Kosovës. /PrizrenPress.com/