Pacientët që shërbimet mjekësore marrin në Qendrën Kryesore të Mjekësisë Familjare në Malishevë, po përballen me kushte të mjerueshme të tualeteve. Drejtori i Shëndetësisë në këtë komunë, thotë se renovimi i gjithë objektit do të bëhet në pranverë
Gjendje e mjerueshme e tualeteve në Qendrën Kryesore të Mjekësisë Familjare në Malishevë.
Drejtori i QKMF-së në Malishevë, shpreson se ne gjate mujorin e pare te këtij viti do te rregullohet dëmtimi i nyjeve sanitare.
Ai thotë se Komuna e Malishevës ka ndarë buxhet për renovimin e tërësishëm të QKMF-së.
“Sa i përket renovimit të gjithë QKMF-së dhe banjës së kësaj qendre, ne kemi buxhetin e ndarë për këtë institucion, në veçanti për shërbimet e personave me nevoja të veçanta”, deklaroi Nuhi Morina.
Këtë e konfirmoi edhe Drejtori i Shëndetësisë në Malishevë, Liridon Hoti.
“Kam para vetes buxhetin e Komunës së Malishevës për vitin 2019. Aty parashihet renovimi i QKMF-së. Renovimi do të përfshijë pikërisht nyjet sanitare dhe banjot e QKMF-së”, deklaroi drejtori i Shëndetësisë në Malishevë Liridon Hoti.
Komuna ka ndarë rreth 150 mijë eurot të cilat do të shkojnë në renovimin e tërësishëm të QKMF-së si dhe për pajisjen e objektit me aparatura të reja. /RTV Dukagjini/Telegrafi/