Partia Demokratike e Kosovës(PDK) në Prizren, ka uruar të gjithë qytetarët musliman për Festën e bajramit.
“Në festën e Fitër Bajramit duhet t’i gjindemi pranë të gjithë atyre që kanë nevojë për ne, për dashurinë tonë dhe për ndihmën tonë njerëzore”, thuhet në urimin e PDK-së në Prizren.
Urimi i plotë
Me rastin e përfundimit të muajit të shenjtë të Ramazanit, pas përmbushjes së obligimit të agjërimit dhe përkushtimit të plotë ndaj Zotit, Dega e Partisë Demokratike të Kosovës në Prizren, të gjithë besimtarëve të besimit Islam të Komunës së Prizrenit u’a uron festën e Fitër Bajramit.
Dega e PDK-së në Prizren, uron që kjo festë të kalojë në shenjë të solidaritetit ndaj njëri-tjetrit, dhe në shenjë të harmonisë vëllazërore.
Në festën e Fitër Bajramit duhet t’i gjindemi pranë të gjithë atyre që kanë nevojë për ne, për dashurinë tonë dhe për ndihmën tonë njerëzore.
Dega e Partisë Demokratike të Kosovës në Prizren, uron që kjo festë e sakrificës dhe e flijimit, të na e shtojë solidaritetin dhe dashurinë mes vete, për të përcjell tutje përpjekjet tona qytetare e njerëzore, drejt sukseseve dhe të ardhmes së ndritshme të shtetit tonë.
Urime!
Minir Krasniqi-kryetar i degës