John Goodenough, fituesi më i vjetër i çmimit Nobel në botë, i cili luajti një rol vendimtar në zhvillimin e baterisë me përbërje të litium-jon, ka vdekur në moshën 100-vjeçare.
Ai ndërroi jetë të dielën, sipas Universitetit të Teksasit në Austin, ku ai punonte si profesor i inxhinierisë.
“Trashëgimia e John si një shkencëtar i shkëlqyer është e pamatshme,” tha Presidenti i Universitetit të Teksasit në Austin, Jay Hartzell.
Bateritë litium-jon fusin në përdorim miliona automjete elektrike në mbarë globin.
Universiteti i Teksasit e përshkroi atë si një “punëtor publik të përkushtuar, një mentor të kërkuar dhe një shpikës brilant”.
Goodenough u nderua me çmimin Nobel në kimi në vitin 2019 në moshën 97-vjeçare për punën e tij në bateritë, duke përfshirë zhvillimin e baterisë litium-jon.
Bateria e lehtë dhe e fuqishme ndezi një revolucion në teknologji, duke hapur rrugën për elektronikën moderne si laptopët dhe telefonat celularë. Bateritë luajnë gjithashtu një rol në fuqizimin e pajisjeve më të mëdha moderne, duke përfshirë panelet diellore.
I lindur në Gjermani në vitin 1922 nga prindër amerikanë, Goodenough u rrit në veri-lindje të ShBA-së dhe shërbeu në ushtrinë amerikane si meteorolog gjatë Luftës së Dytë Botërore. Ai fitoi një diplomë bachelor në matematikë nga Universiteti Yale, si dhe një doktoraturë në fizikë nga Universiteti i Çikagos.
Ai ishte i martuar me Irene Wiseman, e cila u nda nga jeta në vitin 2016, shkruan BBC, transmeton Klankosova.tv.