Muzikanti amerikan, Phil Everly, ka ndërruar jetë në moshën 74 vjecare në Kaliforni. Familja e tij tha se ndjehen zemërthyer e se muzikanti ndërroi jetë nga një sëmundje në mushkëri.
Phil Everly dhe vëllai i tij Don përbënin atë që njihet si Everly Brothers, një nga projketet më të mëdha pop të viteve 50 dhe fillimit të viteve 60s. Së bashku dy vëllëzerit krijuan një sërë hitesh ku përfshihen Wake Up Little Suzie, Cathy’s Cloën, Bye Bye Love, and All I Have To Do Is Dream. Uashington Post citoi burime nga shtëpia e Don Everly, sipas të cilave ai është tepër i mërzitur për të folur për të vëllanë. “Priste të shkonte i pari”, thanë burimet.
Revista ‘Rolling Stone’ i quajti Everly Brothers “dyshja vokale më e rëndësishme e rokut?, në biografinë e tyre, revista thekson se Phil dhe vëllai i tij më i madh, Don ishin fëmijët e dy këngëtarëve kantri të Miduestit dhe se kishin performuar në një shfaqje familjare në radio që kur ishin të vegjël.
Në pikun e karrierës së tyre mes viteve1957 dhe1962, Everly Brothers patën 19 kryesime më listën e 40 hiteve më të mira. Me muzikën e tyre ata ptën ndikim në grupe të tilla si Beatles apo edhe Beach Boys.