5.8 C
Prizren
E martë, 19 Mars, 2024

Vdiq ministri i Jashtëm i Bjellorusisë

Ministri i Jashtëm i Bjellorusisë, Vladimir Makei, i cili mbante postin e tij që nga viti 2012, ka vdekur në moshën 64-vjeçare, njoftoi agjencia shtetërore e lajmeve Belta.

 

Ai këtë javë mori pjesë në një konferencë të Organizatës së Traktatit të Sigurisë Kolektive (CSTO) – një aleancë ushtarake e disa shteteve post-sovjetike – në Jerevan dhe do të takohej të hënën me homologun rus Sergej Lavrov.

Para zgjedhjeve presidenciale dhe protestave masive antiqeveritare në Bjellorusi në vitin 2020, Makei kishte qenë një nga nismëtarët e përpjekjeve për të përmirësuar marrëdhëniet e Bjellorusisë me Perëndimin dhe kishte kritikuar Rusinë.

Por ai ndryshoi befas qëndrimin e tij kur nisën protestat, duke thënë se ato ishin frymëzuar nga agjentë të Perëndimit.

“Jemi të tronditur nga raportet për vdekjen e kreut të Ministrisë së Punëve të Jashtme të Republikës së Bjellorusisë, Vladimir Makei”, postoi zëdhënësja e Ministrisë së Jashtme ruse Maria Zakharova në kanalin e saj Telegram.

Bjellorusia është një nga aleatët më të vendosur të Rusisë, veçanërisht qëkur filloi lufta në Ukrainë më 24 shkurt.

Më Shumë

Qeveria vendos për shpronësimin e pronave për dy projekte në Shtime e Prizren

Qeveria e Kosovës ka miratuar dy propozim-vendimet preliminare për shpronësim të pronave të paluajtshme në interes publik, në mbledhjen e sotme më 13.03.2024. https://www.flybileta.com/ Prona e...

15 mars 1875/ Faik Konica, propagandues i çështjes kombëtare

Më 15 mars të vitit 1875 u lind në Konicë, Faik bej Konica, propagandues i çështjes kombëtare, studjues i historisë kombëtare dhe i gjuhës...

Lajmet e Fundit