Një 35-vjeçare ka vdekur dje në QKUK si pasojë e komplikimit të gjendjes shëndetësore
Mesditën e djeshme një 35-vjeçare nga Malisheva ka vdekur në Qendrën Klinike dhe Universitare të Kosovës (QKUK).
Siç raportohet, e ndjera ishte paraqitur për ta hequr një dhëmbë në një klinikë në Malishevë, por më pas asaj i ishte komplikuar gjendja shëndetësore dhe është dërguar me urgjencë në QKUK.
Policia e Kosovës në raportin ditor ka bërë të ditur se është duke e hetuar këtë vdekje si “Trajtim i pandërgjegjshëm mjekësor”, shkruan Zeri.info.
Po ashtu në raport bëhet e ditur se tashmë janë arrestuar dy persona.
Njoftimi i plotë i Policisë së Kosovës, pa ndërhyrje:
TRAJTIM I PANDËRGJEGJSHËM MJEKËSOR
Malishevë 22.08.2023-13:00. Lidhur me rastin janë arrestuar dy persona të dyshuar, një femër dhe një mashkull, kosovarë, të cilët dyshohet se kanë kryer veprën e lartcekur ndaj viktimës femër kosovare, e cila ka ndërruar jetë.
Të dyshuarit me vendim të prokurorit janë dërguar në mbajtje.