Pas një numri të punëtorive dhe shumë diskutimeve me grupet e ndryshme të komunitetit të lagjes për rregullimin e hapësirës publike përgjatë lumit (Kej) në Prizren, OJQ “EC Ma Ndryshe” së bashku me organizatat tjera të shoqërisë civile, do të bëjnë prezentimin e vizionit të banorëve për këtë hapësirë.
Prezantimi publik do të bëhet të martën (27 qershor 2017) në orën 20.00, n’Kej në Prizren.
Gjatë këtij organizimi do të prezentohet zgjidhja e hartuar nga vet komuniteti i lagjes dhe ekspertët e përfshirë, Genc Gafurri dhe Betim Vitija, si dhe do të diskutohen mundësitë e shfrytëzimit të lumit në prezentimin “E kam një Propozim” nga Jeton Jagxhiu. /PrizrenPress.com/