18.3 C
Prizren
E martë, 1 Korrik, 2025

Vjosa Osmani shkarkoi nga detyra e konsullit edhe djalin e zyrtarit të PDK-së

Në mesin e të shkarkuarve nga ushtruesja e detyrës së presidentes, Vjosa Osmani, është edhe Blendi Kilaj, djali i ish-zëvendësministrit nga radhët e PDK-së, Isni Kilajt.

Kilaj ishte emëruar nga ish-presidenti Thaçi në gradën më të lartë konsullore në Lubjanë.Blendi Kilaj ishte propozuar për konsull nga ish-ministri i Punëve të Jashtme, Behgjet Pacolli, në shtator të vitit 2019.

Siç mëson KALLXO.com, të saposhkarkuarit tjerë janë Flakron Shala – Pragë, Lindon Kqira – Shkup dhe Halim Krasniqi – Tiranë.Ky vendim i Osmanit erdhi pasi të martën u raportua se Flakron Shala, djali i deputetit të AAK-së Haxhi Shala u emërua konsull në Pragë të Çekisë.Kurse për Halim Krasniqin ishte raportuar se ishte riemëruar kundërligjshëm konsull i përgjithshëm i Republikës së Kosovës në Tiranë.

Vendimi për tërheqjen e tij ishte marrë më 30 mars 2020 nga ish-ministri i Jashtëm, Glauk Konjufca. Por që, ish- presidenti Thaçi ka refuzuar ta dekretojë tërheqjen gjatë kohës së Konjufcës, por edhe pas ardhjes së Meliza Haradinajt në krye të Ministrisë.Krasniqi ishte i përfshirë me akuza për sulm fizik ndaj një zyrtare e Konsullatës.

Më Shumë

Apeli liron nga paraburgimi zyrtarin policor të dyshuar për keqtrajtim të qytetarit në Prizren

Avokati Blerim Mazreku ka njoftuar se Gjykata e Apelit e ka liruar nga paraburgimi zyrtarin policor Remzi Pulaj, i cili dyshohet për keqtrajtim të...

Goditje ndaj kriminalitetit në Prizren/ Prokuroria ngre aktakuza dhe kërkon paraburgime për disa të dyshuar

Prokuroria Themelore në Prizren, përmes Departamentit të Përgjithshëm, ka ndërmarrë një sërë veprimesh ligjore në kuadër të hetimeve dhe ndjekjeve penale të iniciuara gjatë...

Lajmet e Fundit