Protestues të zemëruar protestuan mbrëmjen e djeshme nëpër rrugët e qytetit Ferguson, për vrasjen e një të riu me ngjyrë nga një polic i bardhë.
Policia përdori gaz lotsjellës për të shpërndarë turmat e zemëruara të qy tetit të Mizurit. Forcat e policisë zbatuan një ndalim qarkullimi për të dy tën natë me radhë. Ndalim qarkullimi filloi në mesnatë, sipas orës lokale dhe zgjat deri në orën 5 të mëngjesit.
Jay Nixon, guvernatori i shtetit të Mizurit u shpreh dje se autoritetet do të vendosnin ndalim qarkullimin për një kohë të
pacaktuar. Sipas tij shkak janë bërë përleshjet thuajse të përnatshme mes policisë dhe protestuesve.
Ndërkohë guvernatori Nixon ka shpallur gjendjen e emergjencës në Ferguson.
Udhëheqësi i njohur i të drejtave civile, Al Sharpton e cilësoi vrasjen e 18-vjeçarit Michael Brown një “moment përcaktues” për SHBA-të. I riu Brown është vrarë më 9 gusht, dhe tashmë vrasja e tij është pasuar çdo ditë me protesta të dhunshme, ndonjëherë të shoqëruara edhe me grabitje. Të dhënat e para të autopsisë tregojnë se z. Brown u qëllua të paktën 6 herë, nga të cilat mori 2 goditje në kokë, raporton “The New Y ork Times”.