Gjashtëmbëdhjetë xhihadistë u vranë në vijim të një operacioni të gjerë në Egjipt kundër degës lokale të Shtetit Islamik (ISIS), kryesisht në Sinai, njoftoi ushtria egjiptiane.
Katër ekstremistë mjaft të rrezikshëm si dhe 12 të tjerë u eliminuan gjatë një shkëmbimi zjarri, sipas një deklarate të publikuar në faqen Facebook të zëdhënësit të forcave të armatosura, Tamer el-Refaï.
“Tre drejtues tekfiristë (ekstremistë) u arrestuan në zona të ndryshme malore në qendër të Sinait”, njoftoi ai.
“Ky është bilanci i operacioneve të kryera gjatë katër ditëve të fundit”, saktësoi deklarata