Golden Eagle Ylli ka arritur të shpallet kampion i Kosovës në basketboll, pasi mposhtën Trepçën në finalen e katërt me rezultat 64:70.
Therandasit triumfuan 3:1 në serinë e ndeshjeve finale, duke e mbrojtur titullin e kampionit të Kosovës në basketboll
Skuadra e Yllit e mbylli çerekun e parë të ndeshjes ndaj Trepcës në epërsi 4 pikëshe, pasi 10-minutat e para përfunduan 18-22 në të mirë të suharekasve.
Pjesa e parë u mbyll po ashtu me epërsi të therandasve, teksa shifrat në semafor ishin 35:38 për Yllin, shkruan Gazeta Express.
Në çerekun e tretë, Trepça arriti të barazonte gjithçka, teksa ekipet hynë në çerekun e fundit me shifra të barabarta, 51:51.
Por, Ylli u tregua kampion i vërtetë, duke e rikthyer epërsinë dhe duke u shpallur kampion i Kosovës. /Gazeta Express/