Deputeti i Vetëvendosjes, Visar Ymeri, ka përsëritur fjalët e opozitës për marrëveshjen e PDK-së me LDK-në duke akuzuar më së shumti për ministrinë e re të krijuar, dhe për ministrin Aleksandar Jabllanoviq.
“Ministria e re pa portofol nënkupton që dialogu me Serbinë po bëhet çështje e brendshme. Ajo nuk mund të përfundojë me një ose dy marrëveshje, por fal ministrisë së re do të jetë aktive vazhdimisht. Njëri nga ministrat, sipas medieve, do të jetë Aleksandar Jabllanoviq, që është deputet në Kuvendin e Serbisë, por unë nuk po e di ku do ta ketë lojalitetin ai, në Kosovë apo Serbi? Ju po e bëni legjitim pushtetin e Serbisë në Kosovë”, ka thënë Ymeri.