Ministri i Mbrojtjes, Anton Quni, tha se duhet të merret në konsideratë nga Qeveria Hoti nisja e shërbimit ushtarak.
Ai në mbledhjen e sotme të Qeverisë tha se përvoja e disa vendeve të NATO-s për shërbim ushtarak është e mirë dhe duhet të praktikohet edhe në Kosovë, njofton Klan Kosova.
“Në lidhje me fushën e sigurisë do të ishte mirë që të jetë në konsideratë, për momentin specifikat, prania ndërkombëtare ushtarake këtu dhe disa dokumente që ne duhet të ju referohemi pasi që FSK-ja është në fazën e tranzicionit që bazohet në planin gjithëpërfshirës”.
“Për një bashkëpunim ndërinstitucional që Kosova të jetë anëtare e NATO-s janë disa standarde që duhet t’iu përmbahemi edhe në lidhje me shërbimin obligativ ushtarak, që është pjesë e programit qeverisës pasi që kemi përvoja të mira të disa anëtarëve të NATO-s që e praktikojnë këtë shërbim. Unë e kam përgatitur një shkrim që do t’ua dërgoj dhe shpresoj të merret në konsideratë”.