Polumbarët e RENEA kanë nisurr gjatë mëngjesit të sotëm kërkimet për të riun që humbi një ditë më parë pasi ra në kanionet e Shpellës së Pëllumbasit, në Tiranë.
Xhorxho Seferi mendohet të jetë marrë nga rrjedha e ujit në kanion, ndaj kërkimet e polumbarëve ditën e sotme janë përqendruar në rrjedhën e lumit Erzen.
Ngjarja e rëndë u shënua mesditën e djeshme, ku 20-vjeçari Seferi së bashku me 21-vjeçarin Fabio Dukagjini ishin rrëzuar në kanion. Ky i fundit fatmirësisht nuk kishte pësuar asnjë dëmtim nga rrëzimi.
20-vjeçari përfundoi në kanion rreth orës 12:15 minuta të mesditës së të shtunës, bashkë me 21 vjeçarin Fabio Dukagjini, i cili fatmirësisht u nxor prej andej pa pasoja për jetën.