Policia në Suharekë ka konfiskuar armën me të cilën dyshohet se është plagosur një person në fshatin Mushtisht.
“Lidhur me rastin është konfiskuar një armë (revole) që dyshohet të jetë përdorur, ndërsa i dyshuari vazhdon të jetë në kërkim policor”, njofton Policia e Kosovës.
Të premten rreth orës 23:40 në fshatin Mushtisht të Suharekës, një person ka gjuajtur me armë në drejtim të viktimës të cilin e ka qëlluar në këmbë.
Viktima është dërguar për tretman mjekësor në Spitalin Rajonal në Prizren, ndërsa i dyshuari gjendet në arrati.
Policia është duke e hetuar rastin.