Kryeministri në detyrë dhe lideri i PDK-së, Hashim Thaçi ka përshëndetur vizitën e Papës në Tiranë, e cila nis nesër me takime me zyrtarët më të lartë shtetëror të Shqipërisë.
Lexojeni të plotë postimin e Thaçit në Facebook:
“E përshëndes vizitën historike të Papës Françesku në Shqipëri dhe të shpreh mirënjohjen për faktin që ai zgjodhi ta bëj vizitën e tij të parë në Tiranë. Vizita e tij nxjerr në pah modelin unik të bashkëjetesës fetare të shqiptarëve, i cili duhet të shërbejë si shembull për gjithë botën.
Kjo ngjarje dëshmon gjithashtu përcaktimin e popullit tonë për t’u orientuar strategjikisht drejt Perëndimit. Me këtë rast i dërgoj urimet më të perzemërta të gjithë besimtarëve të krishterë, që nesër do ta kenë mysafir në shtëpitë e tyre liderin e tyre shpirtëror. HTH” (sic), ka shkruar Thaçi në Facebook.