Shkruan: Arbër Rexhaj
Në Prizren, nga 18-64 vjeç janë:28% të punësuar, 22% të papunë, 50% jashtë tregut të punës, 7% (nga 50% i atyre që janë jashtë tregut të punës)nuk kërkojnë punë, janë në studime, janë me aftësi të kufizuara, janë të pensionuar, ose amvise
Kryesisht ekonomia e Prizrenit është e bazuar në bujqësi, tregti, ndërtimtari, dhe përpunim të ushqimeve. Ekzistojnë 5,200 biznese private të regjistruara. Gjithsej janë 29, 625 ekonomi familjare, dhe numri mesatar i personave në ekonomi familjare është 6.
14% e familjeve nuk kanë mjaftueshëm për të paguar një vakt mish një herë në javë. 55% nuk mund të blejnë rroba dhe mbathje të reja atëherë kur janë të nevojshme.
85% nuk kanë mjaftueshëm për të paguar një pushim një javësh larg nga shtëpia një herë në vjet. 79% nuk kanë mjaftueshëm për të shkuar në restoran një herë në muaj. 36% nuk kanë mjaftueshëm për të paguar llogaritë e shërbimeve publike. 24% nuk mund të mbulojnë shpenzimet e trajtimit të një gripi ose ndonjë sëmundje tjetër të vogël. 50% nuk mund të përballojnë shpenzimet e një darke nëse ftojnë miqtë apo familjen së paku një herë në muaj.
Këto shifra e tregojnë vrafërinë e qytetarit të Prizrenit dhe mungesën e pushtetit komunal për një alternativë ekonomike. Në këtë rrafsh nuk mjaftojnë vetëm premtimet merramendëse të Thacit për Ramadan Mujën të cilat janë krejtësisht fiktive sepse realiteti në terren është krejtësisht ndryshe dhe se shifrat tregojnë një realitet i cili është shumë i hidhur.
Qysh herët pushteti lokal është dashur që të parasheh lehtësime tatimore për ndërmarrjet e vogla dhe të mesme, varësisht edhe nga numri i të punësuarve, si dhe varësisht natyrës prodhuese që synojmë që t’i japim investimeve në komunën tonë. Në këtë mënrë përmes ketyre lehtësimeve do të mundësohej rritja e të punësuarve.
Ne përherë kemi thënë se në Prizren do të duhej të subvencionohej tatimi në pronë në këtë mënyrë dhe jo si është aktualisht; 1 deri në 10 të punësuar: 1% subvencion të tatimit, për çdo të punësuar.11 deri në 50 të punësuar: 0.5% subvencion të tatimit për çdo të punësuar. 51 deri në 200 të punësuar: 0.3% subvencion të tatimit për çdo të punësuar, mbi 200 të punësuar: 0.1% subvencion të tatimit për çdo të punësuar. Poashtu për biznesin në Prizren do të duhej shkurtoheshin procedurat e dokumentimit, dhe do të hapen sportele të veçanta ku administrata do të specializohej në ato shërbime për të cilat ka nevojë biznesi. Kapitali i përqendruar privat nuk shfrytëzohet për shkak që politika nuk krijon kushte të favorshme për investimin e tij.
Poashtu një resor tjetër për zhvillimin ekonomik janë edhe promovimi dhe përfitimi nga turizmi në Prizren për shkak të karakteristikave të qytetin të Prizrenit, dhe poashtu edhe investimi në bujqësi ku me lehtësinë më të madhe do të krijoheshin mijëra vende pune.