Armand Duka do të vazhdojë të jetë në krye të Federatës shqiptare të futbollit.
55 vjeçari është rizgjedhur president i institucionit më të lartë të futbollit në Shqipëri për herë të pestë radhazi. Në Asamblenë e Përgjithshme Zgjedhore që u mbajt të mërkurën, Duka mposhti kundërkandidatin, Bashkim Fino pas raundit të dytë, pasi në të parin, asnjëri prej kandidatëve nuk mori 2/3 e votave.
Duka u zgjodh në krye të Federatës shqiptare me 38 vota, ndërkaq për Bashkim Finon votuan 24 delegatë. 3 vota ishin të pavlefshme . Pasi u konfirmua në krye të FSHF-së, Duka premtoi punë edhe më të madhe gjatë katër vjetëve të ardhshme.
Asamblenë e Përgjithshme Zgjedhore e kanë përcjellë nga afër edhe përfaqësuesit e UEFA-s dhe FIFA-s.
Gjatë ditës janë zgjedhur edhe anëtarët e Komitetit Ekzekutiv.