Është varrosur sot në varrezat e dëshmorëve në Landovicë, veterani i dy luftërave që zhvilluan shqiptarët në Kosovë dhe Maqedoni të Veriut, dr. Sherif Krasniqi.

Familjarë, bashkëveprimtarë, qytetarë të shumtë e përfaqësues të institucioneve të ndryshme, ia dhanë lamtumirën e fundit mjekut, Sherif Krasniqi, doktorit që shëroi plagët e lirisë në luftën për çlirimin e Kosovës dhe atë në Maqedoni të Veriu, në një ceremoni varrimi të organizuar në varrezat e dëshmorëve në Landovicë, ndërsa trupi i pa jetë i të ndjerit është bartur nga pjesëtarë të Ushtrisë së Kosovës.

Kryetari i Prizrenit, Shaqir Totaj, tha se “sot po ndahemi nga një personalitet i veçantë, siç ishte dr. Sherifi, i cili në momentet më të vështira për kombin tonë, e ka dëshmuar veten si një atdhetar i madh, profesionist e humanist i rrallë”.

Një fjalë rasti në emër të shoqatave të dala nga lufta, e mbajti edhe sekretari i degës së OVL të UÇK- në Prizren, Isa Berisha, i cili vlerësoi lartë sakrificën dhe atdhedashurinë që shfaqi dr. Sherif Krasniqi, duke u vënë në shërbim të ofrimit të ndihmës mjekësore luftëtarëve të lirisë nëpër beteja të luftës në Kosovë dhe Maqedoni të Veriut.

Për jetën dhe veprën e doktorit të ndjerë në shërbim të kauzës kombëtare dhe asaj profesionale, ka folur edhe kolegu i tij nga Spitali i Prizrenit, Eqerem Shala. Në emër të familjes, për nderimin lamtumirës kushtuar babait të tij, i falënderoi të gjithë pjesëmarrësit, djali i dr. Sherif Krasniqi, Valoni. Ndryshe, i ndjeri dr. Sherif Krasniqi, ishte kirurg i përgjithshëm në Spitalin Rajonal të Prizrenit.Tv Prizreni

Kryetari i Komunës së Prizrenit, Shaqir Totaj dhe Ambasadori i Shqipërisë në Prishtinë, Petrit Malaj, u takuan sot për herë të parë, me ç’rast biseduan mbi strategjitë kryesore që synojnë nxitjen e lidhjeve më të forta ndërmjet rajoneve përkatëse dhe avancimin e përpjekjeve bashkëpunuese në sektorë të ndryshëm.

Totaj dhe Malaj theksuan rëndësinë e forcimit të marrëdhënieve me komunat ndërkufitare të Shqipërisë për ta nxitur rritjen socio-ekonomike dhe shkëmbimin kulturor.

Të dy personalitetet nënvizuan rëndësinë e solidaritetit dhe bashkëpunimit në adresimin e sfidave të përbashkëta dhe shfrytëzimin e mundësive për zhvillim të ndërsjellë.

Temë diskutimi, gjithashtu, ishte zgjerimi i iniciativave të turizmit, kulturës, sportit dhe arsimit ndërmjet Kosovës dhe Shqipërisë.
Duke njohur potencialin e jashtëzakonshëm në këto zona, kryetari Totaj dhe ambasadori Malaj diskutuan për partneritete strategjike për ta forcuar infrastrukturën turistike, ruajtjen e trashëgimisë kulturore, promovimin e ngjarjeve sportive dhe pasurimin e shkëmbimeve arsimore midis dy vendeve.

Kryetari Shaqir Totaj shprehu optimizmin për përpjekjet e bashkëpunimit:

“Ky takim shënon një hap të rëndësishëm drejt thellimit të lidhjeve tona me komunat kufitare të Shqipërisë dhe eksplorimit të rrugëve për rritje gjithëpërfshirëse. Duke përdorur vlerat dhe burimet tona të përbashkëta, ne mund të hapim rrugën për një partneritet të mirë, nga i cili që përfitojnë qytetarët e të dyja anëve”, tha ai.

Banesa në shitje nga Renelual Tahiri  

Në anën tjetër, Ambasadori Petrit Malaj theksoi rëndësinë e sinergjisë dhe bashkëpunimit ndërkufitar:

“Jam tejet i lumtur për takimin e sotëm me z. Totaj, një person me kaq energji pozitive, interaktiv e i gatshëm për të hedhur hapa konkrete në këtë çështje. Shqipëria dhe Kosova ndajnë një histori të pasur dhe afinitete kulturore. Është e domosdoshme që ta shfrytëzojmë këtë lidhje për të çuar përpara vendet tona, veçanërisht në fusha të tilla si turizmi, kultura, sporti dhe arsimi, të cilat kanë potencial të jashtëzakonshëm për nxitjen e prosperitetit dhe unitetit” u shpreh ai.

Takimi përfundoi me rikonfirmimin e të dyja palëve për angazhimin e tyre për t’i shtyrë më tej marrëdhëniet dypalëshe dhe zbatimin e nismave të bashkëpunimit për të mirën e qytetarëve./PrizrenPress.com/

“Eli –Edona”, mobilieria me oferta më të mira në Prizren

Dy projekte në vlerë prej 140 mijë euro, të cilat përfshijnë projektin për sigurimin e deponimit të mbeturinave në Restelicë të Dragashit dhe sigurimin e një radiografie në Qendrën e Mjekësisë Familjare në Mamushë, u nënshkruan sot përmes një ceremonie nga Ambasada e Japonisë dhe kryetarët e këtyre dy komunave.

Ambasadori japonez në Kosovë, Keisuke Yamanaka tha se përmes këtij projekti, Komuna e Dragashit do të përkrahet për ndërtimin e Deponimit të Mbeturinave dhe vendosjen e kontenjerëve për grumbullimin e mbeturinave në fshatin Restelicë.

Biznesi “Time Out” në Prizren kërkon një punëtor

Ai shtoi se ky projekt do të përmirësojë shërbimin e grumbullimit të plehrave dhe do të kontribuojë për ta bërë qytetin më të pastër dhe më komod për të jetuar banorët e kësaj zone.

Yamanaka shtoi se me këtë projekt do të përfitojnë rreth 4700 banorë që jetojnë në këtë fshat.

Ai potencoi se me nënshkrimin e këtij projketi, qytetarët e Mamushës nuk do të kenë nevojë më të udhëtojnë nëpër komuna të tjera për ta bërë radiografinë, ngase QKMF-ja do të pajiset me një aparat të tillë në kuadër të Grantit Ndihmës Japonez për Projektet e Sigurisë Bazike Njerëzore për vitin 2023.

Nga ky projekt për sigurimin e pajisjes me rreze X, pritet që të përfitojnë afro 1500 pacientë në vit.

Kryetari i Komunës së Dragashit, Bexhet Xheladini derisa falenderoi ambasadorin e Japonisë në Kosovë për këtë donacion, tha se kjo iniciativë nuk paraqet vetëm mbështetje financiare për këtë komunë, por është edhe një eksperiencë profesionale për të aplikuar praktikat më të mira të popullit japonez.

Xheladini potencoi se kjo mbështetje nga Japonia nuk është e para për Dragashin, për çka përmendi se para pak kohësh, kanë pranuar katër kamionë e mjete të tjera për bartjen e mbeturinave.

Ndërkaq, kryetari i Komunës së Mamushës, Abdulhadi Krasniç tha se ky është nënshkrimi i projektit të parë mbështetës me Ambasadën e Japonisë, për çka shtoi se pret edhe përkrahje të tjera në fushën e arsimit, shëndetësisë e bujqësisë.

Ai shtoi se është kënaqësi që përmes këtij donacioni të kenë mundësinë të njoftohen për nga afër me disiplinën dhe kulturën e njerëzve nga Japonia.