12.9 C
Prizren
E shtunë, 2 Maj, 2026
type here...
Home Blog Page 1260

25 vite nga rënia e dëshmorëve Skender Rexhepi dhe Fitim Duraku

admin
-
0
25 vite nga rënia e dëshmorëve Skender Rexhepi dhe Fitim Duraku

Sot janë bërë 25 vjet nga rënia e heronjve Fitim Duraku dhe Skender Rexhepi.

Më këtë rast sot, kryetari i Komunës së Rahovecit, Smajl Latifi, së bashku me përfaqësues nga organizata e veteranëve të luftës, bashkëluftëtarë, familjarë të dëshmorëve bën homazhe tek vendi i rënies në Krushë të Madhe dhe në vendin e rënies mbi fshatin Fortesë.

“Skender Rexhepi dhe Fitim Duraku janë simbol i rezistencës, i përkushtimit dhe i vendosmërisë së pashoqe në luftën e lavdishme për liri. Ata u flijuan për idealin e lirisë dhe të bashkimit, për përparimin dhe dinjitetin tonë kombëtar e njerëzor. Pas vetes lanë një veprimtari të bujshme jetësore, e cila do të kujtohet dhe nderohet brez pas brezi”, tha ai.

Sipas tij, dëshmorët e atdheut, Skender Rexhepi, Fitim Duraku dhe të gjithë dëshmorët dhe heronjtë e këtij nënqielli, janë yje të pashuar të lirisë.

“Ata janë fanar që ndriçojnë rrugën tonë. Ne që mbijetuam luftën, e kemi për detyrë dhe për nder që të përpiqemi të ecim me hapa dinjitoz në rrugën e trasuar me gjak e jetë, në mënyrë që të përmbushim idealet e dëshmorëve. Qoftë i përjetshëm kujtimi për Skënder Rexhepin dhe Fitim Durakun! Lavdi jetës dhe veprës së tyre”, tha ai.

AAK-ja: Komuna e Prizrenit nuk shpenzoi 7 milionë euro

admin
-
0
AAK-ja: Komuna e Prizrenit nuk shpenzoi 7 milionë euro

Aleanca për Ardhmërinë e Kosovës(AAK)në Prizren, ka akuzuar qeverinë lokale për keqmenaxhim të buxhetit.

Sipas këtij subjekti politik, Komuna e Prizrenit nuk ka shpenzuar 7 milionë euro të buxhetit.

“Eli –Edona”, mobilieria me oferta më të mira në Prizren

“Edhe pse kryetari Totaj, tash e sa kohë vetëm ankohet për mungesë të buxhetit, edhe ky vit e gjen Komunën e Prizrenit me disa milion buxhet të pa-shpenzuar”,thuhet në reagimin e AAK -së në Prizren.

“Mosshpenzimi i buxhetit është keqmenaxhim dhe mos-përmbushje e nevojave të qytetarëve të Komunës së Prizrenit”, shkruan AAK në Facebook.

Banesa në shitje nga Renelual Tahiri  

Në 24-orët e fundit në Kosovë, 63 aksidente trafiku

admin
-
0
Në 24-orët e fundit në Kosovë, 63 aksidente trafiku

Në 24 orët e fundit në vendin tonë kanë ndodhur 63 aksidente trafiku.

Sipas raportit të policisë, 17 prej aksidenteve kanë qenë me persona të lënduar, kurse 46 tjerë vetëm me dëme materiale.

Brenda 24-orëve janë shqiptuar edhe 966 tiketa trafiku për personat që nuk kanë respektuar rregullat e komunikacionit.

Ndërsa, janë arrestuar 11 persona, 8 prej tyre janë dërguar në mbajtje kurse një në vuajtje të dënimit.

 

Mourinho mohon shkuarjen në Arabinë Saudite

admin
-
0
Mourinho mohon shkuarjen në Arabinë Saudite

Jose Mourinho ka konfirmuar se nuk do të bëhet trajneri i Al Shabab.

Siç raporton eksperti i transferimeve, Fabrizio Romano, pavarësisht spekulimeve, asnjëherë nuk ishte afër një ujdi në mes Mourinhos dhe klubit saudit.

Përndryshe, trajneri portugez në fillim të kësaj jave ndau rrugët me klubin italian Romën, për shkak të mungesës së rezultateve.

Në vend të tij është emëruar Daniele de Rossi, i cili debutoi të shtunën në mbrëmje me një fitore ndaj Hellas Veronës, me rezultat 2-1.

Promovohet libër në përvjetorin e vdekjes së Rugovës, Abdixhiku: Ishte prijësi historik i popullit

admin
-
0
Promovohet libër në përvjetorin e vdekjes së Rugovës, Abdixhiku: Ishte prijësi historik i popullit

Kryetari i LDK-së, Lumir Abdixhiku, në 18-vjetorin e vdekjes së ish-presidentit Ibrahim Rugova, ka thënë se ai la pas vete një trashëgimi të pasur intelektuale dhe një trashëgimi politike.

Abdixhiku thekson se në ambientet e shkollës politike promovuan librin “Pushteti dhe intelektualët” të botuar nga fondacioni “Ibrahim Rugova”, njofton Klankosova.tv.

“Ibrahim Rugova, “ishte më shumë se njeri, ai ishte një epokë” do të thoshte një Viktor Hygo i yni, siç kishte thënë ky shkrimtar për Volterin në njëqindvjetorin e vdekjes së këtij filozofit dhe mendimtari të madh. Në të vërtetë, Rugova ishte një epokë dhe pas vete la një trashëgimi të pasur intelektuale dhe një trashëgimi politike, me rezultate të papërsëritshme e monumentale”, shkroi Abdixhiku në rrjetin e tij social në Facebook.

“Ati themeltar i shtetit të Kosovës, prijësi historik i popullit të Kosovës, themeluesi i Lidhjes Demokratike, formacionit të parë pavarësist; bartësi i lëvizjes më të madhe kombëtare për liri, pavarësi e demokraci, iku në amshim sot 18 vite më parë. Pas vete la një trashëgimi epokale, që sot na shërben si udhërrëfim kombëtar”.

“Në këtë ditë, së bashku me zonjën Fana Rugova dhe anëtarë të familjes, në ambientet e Shkollës Politike, promovuam librin ‘Pushteti dhe intelektualët’ të botuar nga Fondacioni “Ibrahim Rugova””.

Ai theksoi se fondacion tashmë ka bërë një traditë në fushën e botimeve, duke u kujdesur, që ta ruajë, ta kultivojë dhe ta përcjellë tek breznitë e reja, mendimin politik, letrar e kulturor të Ibrahim Rugovës, duke e vlerësuar si një trashëgimi tejet e vlefshme, bazike, për të njohur Kosovën e djeshme dhe për t’u shërbyer prej saj për të ndërtuar Kosovën e nesërme.

“Ky libër, ka këtë funksion, dhe sikur vepra në tërësi e Presidentit Ibrahim Rugova, na kujton profilin e lartë të politikanit intelektual dhe intelektualit politikan, dhe na thërret të mendojmë sa të rëndësishme janë këto dy kategori kur bëhen një zë”.

May be an image of book, diary and text

Abdixhiku në fund potencoi se para promovimit, me bashkëpunëtorë, vendosën lule tek varri i presidentit.

“Nga aty, vizituam familjen Rugova, për të ndarë jo vetem dhimbjen për ikjen e Presidentit, por dhe gjithë krenarinë për trashëgiminë e tij!”.

Osmani për Ibrahim Rugovën: Ia kushtoi çdo ditë të jetës lirisë dhe pavarësisë së vendit

admin
-
0
Osmani për Ibrahim Rugovën: Ia kushtoi çdo ditë të jetës lirisë dhe pavarësisë së vendit

Presidentja e Kosovës, Vjosa Osmani, bashkë me kryeministrin Kurti ka bërë homazhe te varri i ish presidentit Ibrahim Rugova.

Osmani ka thënë se Rugova në një kohë të vështirë arriti të ndërtonte aleanca, të cilat edhe sot i duhen Kosovës.

Ajo tha se do të ecin drejt realizimit të plotë të vizionit të Rugovës për Kosovë të pavarur, sovrane, te integruar në BE dhe NATO dhe në miqësi të përhershme më SHBA’të.

“Sot përkujtojmë presidentin historik të Republikës së Kosovës, presidentin Ibrahim Rugova, atin themeltar dhe arkitektin e pavarësisë së vendit tonë, njeriun i cili ia kushtoi cdo ditë të jetës së tij lirisë dhe pavarësisë së vendit dhe punoi në radhë të parë bashkë me popullin e Kosovës e në radhë të dytë bashkë me aleatët tanë në mënyrë që sot ta gëzojmë këtë të vërtetë pas shumë sakrificash të popullit tonë. Presidenti Rugova arriti që në një kohë jashtëzakonisht të vështirë për popullin tonë, të ndërtojë aleanca të cilat edhe sot i duhen Kosovës, prandaj sot e përjetë do t’i ruajmë këto aleanca që do të na ndihmojnë që të ecim përpara drejt realizimit të plotë të vizionit të presidentit historik për një Kosovë të pavarur, sovrane, të integruar në BE e NATO dhe në miqësi të përhershme me SHBA’të. I përjetshëm qoftë kujtimi për të”, tha Osmani. /GazetaExpress/

18 vjet nga vdekja e Rugovës, Kurti: E kujtojmë për kontributin në ndërkombëtarizimin e çështjes së Kosovës

admin
-
0
18 vjet nga vdekja e Rugovës, Kurti: E kujtojmë për kontributin në ndërkombëtarizimin e çështjes së Kosovës

 

Kryeministri i Kosovës, Albin Kurti ka bërë homazhe tek varri i ish-presidentit Ibrahim Rugova, me rastin e 18-vjetorit të vdekjes së tij.

Kurti pas homazheve u shpreh se Rugovën e kujtojmë për rolin dhe kontributin në ndërkombëtarizimin e ?ështjen së Kosovës dhe, siç u shpreh ai.

“Është presidenti i parë i Republikës së Kosovës, kur Republika ishte Republikë për ekzistencë ndaj okupimit të Serbisë në Kosovë, por edhe president i parë i Kosovës së çliruar. Sot në 18-vjetorin e ndarjes së tij nga jeta e kujtojmë për rolin dhe kontributin në ndërkombëtarizimin e çështjen së Kosovës dhe në kombëtarizimin e rezistencës civile”, u shpreh ai.

“Eli –Edona”, mobilieria me oferta më të mira në Prizren

Këto vende nuk do të kenë rrymë në Prizren

admin
-
0
Këto vende nuk do të kenë rrymë në Prizren

Kompania për Distribuimin e Energjisë Elektrike në Kosovë (KEDS) njofton se sot në disa lagje të Prizrenit do të kryhen punime të domosdoshme për siguri të sistemit energjetik.

 

 

Punime nga pala e tretë1.Nga NS 110/10[kV] Prizreni 3 do të ndërprehet: Dalja 10[kV]  Ushtria e Kosovës (kodi: 31000018) nga ora 11:00 deri në ora 15:00

Vendet: Konsumatorë komercial dhe buxhetorë (F.S.K.) në rrugët 2 Ukë Bytuçi, Dardania dhe Tranzit.

Arsyeja: për realizimin e sistemit hyrje/dalje 10 kV, sipas pëlqimit elektro-energjetik dhe projektit të aprovuar, si dhe rekomandimeve nga komisioni i pranimeve teknike.

LDK-ja mban aktivitete në 18-vjetorin e vdekjes së Rugovës

admin
-
0
LDK-ja mban aktivitete në 18-vjetorin e vdekjes së Rugovës

Lidhja Demokratike e Kosovës do të mbajë homazhe te varri i ish-presidentit, Ibrahim Rugova, në shënimin e 18-vjetorit të vdekjes së tij.

Ndërkaq, zyrtarë të LDK-së do të vizitojnë dhe familjen Rugova, përcjell Klankosova.tv.

Po ashtu do të promovohet libri “Pushteti dhe intelektualët”, botuar nga Fondacioni “Ibrahim Rugova”.

18 vjet nga vdekja e ish-presidentit Ibrahim Rugova

admin
-
0
18 vjet nga vdekja e ish-presidentit Ibrahim Rugova

Sot shënohet 18-vjetori i vdekjes së ish-presidentit të Kosovës, Ibrahim Rugova. Ai ka ndërruar jetë më 21 janar të vitit 2006 dhe është varrosur me nderime të larta shtetërore dhe ushtarake.

 

Me rastin e 18 vjetorit të vdekjes së ish-Presidentit të Kosovës, Ibrahim Rugova, në orën 09:30, Presidentja e Republikës së Kosovës, Vjosa Osmani, bën homazhe te varri i Rugovës.

Po ashtu me rastin e 18 vjetorit të vdekjes së ish-Presidentit të Kosovës, Ibrahim Rugova, për nder të kujtimit dhe trashëgimisë së tij, nën përkujdesjen e Presidentes së Republikës së Kosovës, Vjosa Osmani Sadriu, organizohet në Gjilan Akademi për Rugovën.

Po ashtu Lidhja Demokratike e Kosovës (LDK) organizon aktivitete me rastin e 18-vjetorit të ndarjes nga jeta të presidentit Ibrahim Rugova:

LDK bën homazhe te varri i Ibrahim Rugovës dhe viziton familjen e Rugovës.

Sot do të promovohet libri “Pushteti dhe intelektualët” botuar nga Fondacioni “Ibrahim Rugova”.

 

1...1 2591 2601 261...9 181Page 1 260 of 9 181

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne