Kryeministri i Kosovës, Albin Kurti ka vizituar sot Komunën e Prizrenit, atje ku u prit nga kryetari Shaqir Totaj,

Zyra e Kryeministri ka nda detaje rreth kësaj vizitë të Kurtit në Prizren, ku thuhet se takimin me Totajn, Kurti e ka cilësuar si të përzemërt, u diskutua për një sërë çështjesh, përfshirë dy memorandumet e bashkëpunimit që tashmë i kanë Qeveria me Komunën, njëra për teleferikun dhe tjetra për rrugët lokale në Zhupë.

Në komunikatën e shpërndarë nga Zyra e Kryeministrit thuhet se në qendër të diskutimit ishte lidhja e Prizrenit me Tetovën, për çfarë është edhe marrëveshja e nënshkruar me Qeverinë e Maqedonisë së Veriut qysh nga shtatori i vitit 2021, aks ky të cilin Kurti e vlerësoi jashtëzakonisht të rëndësishëm për Prizrenin e për Tetovën, për Kosovën e Maqedoninë e Veriut, për mbarë rajonin tonë, si për qytetarët ashtu edhe për ndërmarrësit.

Po ashtu, ai tha se kryetarin Totaj e ka njoftuar se në javën që vjen do të dërgojnë edhe qarkoren e dytë për buxhetin e vitit 2024.

“Në bazë të parallogaritjeve që janë bërë kostoja e gjithmbarshme do të jetë rreth 200 milionë euro, ku rreth 150 milionë euro janë për tunelin, që është përafërsisht 600 metra më i gjatë sesa ai në Kalimash, ndërkaq rreth 50 milionë euro do të kushtoj rruga në të dy anët e tunelit që lidhë këto dy qytete shumë të rëndësishme edhe për aktualitetin, por që kanë përplot histori, kulturë e art, siç janë Prizreni e Tetova.” – ka thënë Kurti.

Protestë / “Protestuesit” pro-Kurtit e kundër analistëve, këta të fundit ua kthejnë me ironi
Ndërkaq, kryetari Totaj tha se ndihet mirë për një qasje shumë konstruktive dhe shumë pozitive karshi projekteve me interes nacional, duke shtuar se si komunë zotohen që për çdo gjë që ka nevojë dhe kanë mundësi të kontribuojnë, do të jenë të gatshëm që të kyçen në mënyrë konstruktive që të lehtësojnë dhe të mundësojnë realizimin e këtij projekti.

“Unë jam shumë i sigurt që kemi hapësirë shumë të madhe për bashkëpunim në të gjitha lëmitë tjera dhe besoj që nuk do të mungojë gatishmëria nga asnjëra palë që ky bashkëpunim të vazhdojë, sepse do të ndikojë në performancë edhe të qeverisë qendrore edhe të qeverisë lokale.” – ka thënë Totaj.

Tutje kreu i Prizrenit ka shtuar se përfitimet do të jenë jo vetëm për qytetarët e Komunës së Prizrenit, por edhe më gjerë duke marrë parasysh reputacionin dhe rëndësinë që ka qyteti i Prizrenit për tërë rajonin edhe në këtë rast përafrimi me Komunën e Tetovës është një mundësi.

Më pas kryeministri Kurti bashkë me zëvendësministrin Hysen Durmishi, dhe me deputetët Artan Abrashi dhe Arbër Rexhaj vizituan lokacionin në fshatin Struzhë ku pritet të kalojë një pjesë e rrugës Prizren-Tetovë dhe nga ku mund të shihet se ku do të bëhet tuneli që do të lidhë dy anët e rrugës.

—

Reklamë

+383 44 128 112 ; +383 49 613 613

[email protected]

www.renelualtahiri.com

Kliko videon 

https://fb.watch/mjLbiAFWad/

Kryeministri i Republikës së Kosovës, Albin Kurti, i shoqëruar nga zëvendësministri i Mjedisit, Planifikimit Hapësinor dhe Infrastrukturës, Hysen Durmishi, ka vizituar sot Komunën e Prizrenit, ku është pritur nga kryetari Shaqir Totaj.

Sipas njoftimit të Qeverisë, në këtë takim, që kryeministri e cilësoi të përzemërt, u diskutua për një sërë çështjesh, përfshirë dy memorandumet e bashkëpunimit që tashmë i kanë Qeveria me Komunën, njëra për teleferikun dhe tjetra për rrugët lokale në Zhupë.

Në qendër të diskutimit ishte lidhja e Prizrenit me Tetovën, për çfarë është edhe marrëveshja e nënshkruar me Qeverinë e Maqedonisë së Veriut qysh nga shtatori i vitit 2021, aks ky të cilin kryeministri Kurti e vlerësoi jashtëzakonisht të rëndësishëm për Prizrenin e për Tetovën, për Kosovën e Maqedoninë e Veriut, për mbarë rajonin tonë, si për qytetarët ashtu edhe për ndërmarrësit.

Po ashtu, ai tha se kryetarin Totaj e ka njoftuar se në javën që vjen do të dërgojnë edhe qarkoren e dytë për buxhetin e vitit 2024.

“Në bazë të parallogaritjeve që janë bërë kostoja e gjithëmbarshme do të jetë rreth 200 milionë euro, ku rreth 150 milionë euro janë për tunelin, që është përafërsisht 600 metra më i gjatë sesa ai në Kalimash, ndërkaq rreth 50 milionë euro do të kushtoj rruga në të dy anët e tunelit që lidhë këto dy qytete shumë të rëndësishme edhe për aktualitetin, por që kanë përplot histori, kulturë e art, siç janë Prizreni e Tetova”, tha Kryeministri.

Ndërkaq, kryetari i Komunës së Prizrenit, Shaqir Totaj tha se ndihet mirë për një qasje shumë konstruktive dhe shumë pozitive karshi projekteve me interes nacional, derisa theksoi se si Komunë zotohen që për çdo gjë që ka nevojë dhe kanë mundësi të kontribuojnë, do të jenë të gatshëm që të kyçen në mënyrë konstruktive që të lehtësojnë dhe të mundësojnë realizimin e këtij projekti.

“Unë jam shumë i sigurt që kemi hapësirë shumë të madhe për bashkëpunim në të gjitha lëmitë tjera dhe besoj që nuk do të mungojë gatishmëria nga asnjëra palë që ky bashkëpunim të vazhdojë, sepse do të ndikojë në performancë edhe të qeverisë qendrore edhe të qeverisë lokale” tha ai, duke shtuar se përfitimet do të jenë jo vetëm për qytetarët e Komunës së Prizrenit, por edhe më gjerë duke marrë parasysh reputacionin dhe rëndësinë që ka qyteti i Prizrenit për tërë rajonin edhe në këtë rast përafrimi me Komunën e Tetovës është një mundësi.

Më pas kryeministri Kurti bashkë me zëvendësministrin Durmishi, dhe me deputetët e Lëvizjes Vetëvendosje, Artan Abrashi dhe Arbër Rexhaj vizituan lokacionin në fshatin Struzhë ku pritet të kalojë një pjesë e rrugës Prizren-Tetovë dhe nga ku mund të shihet se ku do të bëhet tuneli që do të lidhë dy anët e rrugës.

Kurti takon Totajn, flasin për rrugën Prizren-Tetovë

Kryeministri Albin Kurti vizitoi të dielën komunën e Prizrenit për të diskutuar me kryetarin e Komunës, Shaqir Totaj për rëndësinë që ka rruga Prizren-Tetovë.

Kurti i premtoi Totajt se do ta mbështesë Komunën e Prizrenit edhe në projektet infrastrukturore, si dhe ndërtimin e teleferikut në kalanë e qytetit.

Rruga Prizren-Tetovë do të kushtojë rreth 200 milionë euro, ku 150 milionë parashikohen të harxhohen vetëm në tunel me gjatësi mbi 6.5 km, deklaroi Kurti.

Kujtojmë se të premten kryeministri Kosovës, Albin Kurti vizitoi Tetovën, ku edhe promovoi idenë e lidhjes së turizmit malor mes Tetovës dhe Prizrenit, përmes rrugës së re. Ai tha se zhvillimi ekonomik duhet të jetë edhe zhvillim rural dhe nuk duhet të jetë i rezervuar vetëm për zonat urbane.

Shefi i ekzekutivit kosovar nga fshati Vicë i Tetovës, se rruga Prizren-Tetovë është shumë me rëndësi për dy anët e kufirit. Ai tha se ky projekt është rajonal dhe ndihmon në zhvillimin e Kosovës dhe të Maqedonisë së Veriut./rtk

Reklamë

+383 44 128 112 ; +383 49 613 613

[email protected]

www.renelualtahiri.com

Kliko videon 

https://fb.watch/mjLbiAFWad/

Kryetari i Prizrenit, Shaqir Totaj, kërkon nga banorët e këtij qyteti që t’i japin propozimet e tyre për buxhetin e vitit të ardhshme.

“Secili ka mundësi të propozoj projekte për nevojat e komunitetit, për hartimin e buxhetit të Komunës së Prizrenit, për vitin 2024”, kështu u tha mbrëmë Totaj, në dëgjimet buxhetore me banorët e fshatrave Vlashnje, Hoçë e Qytetit, Jeshkovë, Malësi e Vërrinit, Poslisht, Billushë, Kobaj, Grazhdanik dhe Atmaxhë, në shkollën fillore në Vlashnje, ndërsa, në shkollën fillore në Zhur, me banorët e fshatrave Vërmicë, Shkozë, Dobrusht dhe Zhur.

Të gjitha kërkesat u regjistruan dhe sipas prioritetit e mundësive buxhetore do të realizohen, që do të ndikojnë në cilësinë e jetës së banorëve të këtyre fshatrave.

Ndërkaq të hënën janë ftuar banorët e fshatrave të Zhupës në orën 16:00 në shkollën fillore në Reçan; Në orën 18:30 në shkollën fillore në Velezhë banorët e fshatrave Shpenadi, Caparc, Trepeticë, Serbicë e Epërme, Novakë dhe Velezhë; ndërsa në orën 20:30 në shkollën fillore në Korishë banorët e fshatrave Malësi e Re, Lubizhdë, Skorobisht, Gërnqar dhe Korishë.

Reklamë

+383 44 128 112 ; +383 49 613 613

[email protected]

www.renelualtahiri.com

Kliko videon 

https://fb.watch/mjLbiAFWad/

Besim Muhadri 

Shtëpia e Kulturës në Krajk të Hasit, e ndërtuar pas luftës, pati marr emrin e dëshmorit të Brigadës 126 “Hasi”, Muharrem Samahodaj. Ndërtimi i këtij objekti të kulturës pati qenë një ngjarje e gëzueshme jo vetëm për banorët e këtij fshati. Ajo duhej të shërbente për aktivitete kulturore, por jo vetëm për to. Duhej të ishte edhe biblioteka që s’u bë kurrë.
Dhe tani, pa kaluar as njëzet vite nga ndërtimi i saj, ky objekt, sot ndodhet në gjendje të mjerueshme dhe pa asnjë funksion për të cilin edhe është dedikuar.

Objekti ndodhet prane rrugës nacionale që përshkon Hasin, mu në mes të Krajkut dhe ngjitur me objektin e shkollës së fshatit.

E pamirëmbajtur, me të gjithë xhamat e thyer, qëllimshëm dhe në mënyrë vandale, të lë përshtypjen më të dhimbshme dhe pamjen më të shëmtuar. Të gjithë banorët e Krajkut dhe të Hasit e shohin për çdo ditë, por sikur nuk u lë asnjë përshtypje. E vetmja përshtypje e tyre ishte sot kur po më shihnin kur po e fotografoja.

Kjo gjendje e këtij objekti, ashtu sikur edhe e objektit tjetër të kësaj natyre në Lugishtë të Hasit, është për t’u qarë, por edhe një alarm urgjent për Drejtorinë Komunale të Kulturës në Prizren, zë cilën e udhëheq hasjani Adem Morina, të cilin e vlerësoj shumë…

Nuk kam çka them tjetër: Mbahemi njerëz me kulturë, por s’e kemi pikën; Kemi ndërtuar shtëpi më modernet që mund të ekzistojnë, për të cilat janë hargjuar me qindra mijëra euro, endemi me makina më luksozet, por në anën tjetër, shkatërrojmë pronën shoqërore, në këtë rast objektin i cili duhej të na shërbente për aktivitete kulturore dhe më shumë…

Shtrohet pyetja: Përse u fitua liria, për të cilën ra edhe Muharrem Samahodaj, emrin e të cilit e mban ky objekt, i cili në këtë gjendjr hiq nuk i bën nder, i shkatërruar qëllimshëm nga fëmijët e ndoshta edhe nga të rriturit, të cilëve nuk ua “vret” syrin vandalizmi i treguar mbi të.

Për më tepër, shikoni fotografitë!