17.8 C
Prizren
E premte, 24 Maj, 2024

Nokauti i frikshëm i Joshua-s, Helenius kishte nevojë për oksigjen

Ish-kampioni i botës në peshën e rëndë në boks profesionist, Anthony Joshua, ka triumfuar të shtunën mbrëma në “O2 Arena” të Londrës me nokaut në rundin e shtatë ndaj finlandezit Robert Helenius.

Por, Helenius kishte nevojë për oksigjen pas goditjes së rëndë, por u shërua dhe u largua nga ringu pa asistencë pasi përgëzoi Joshua-n.

Ndërsa Jushua tha pas meqit se “e ka kryer punën”.

 

 

“Është një sport i paqëndrueshëm, ju duhet të jeni real për këtë industri dhe të mos kapeni. Unë e kam bërë punën time sonte”, tha Joshua për BBC Radio.

Fitorja, që ishte e para me nokaut pas afro dy vjet e gjysmë, e ka përgatitur terrenin për një përballje mes britanikut Joshua dhe amerikanit Deontay Wilder në janar.

Kur u pyet në ring për luftën e mundshme me Wilderin, Joshua bëri shaka.

“Më dhemb shpina, a ka doktor këtu? Dua ta çoj këtë kategori të peshave të rënda në majë”.

Pas nokautit, Joshua i ngarkuar emocionalisht dhe i buzëqeshur doli nga ringu.

33-vjeçari, ndonëse kishte dominuar përballjen, nuk kishte dhënë goditje të forta deri në rundin e shtatë kur e rrëzoi Heleniusin me një të djathtë të fuqishme.

Joshua ka bilanc prej 26 fitoreve e tri humbje.

Promotori i Joshuas, Eddie Hearn, ka thënë se shpreson që përballja Joshua – Wilder të mbahet në janar në Arabi Saudite.

Më Shumë

Testi i Arritshmerisë këtë vit do të mbahet dy ditë, më 25 dhe 28 qershor

Mbi 23 mijë nxënës më datë 25 dhe 28 qershor do t’i nënshtrohen testit të Arritshmërisë. Këtë vit shpërndarja e nxënësve nëpër klasa do...

A do të luajë Mbappe në finalen e Kupës? Përgjigjet Enrique

Paris Saint-Germain mbylli me sukses Ligue 1. Skuadra nga kryeqyteti francez mbeti e pamposhtur jashtë shtëpisë në ndeshjet e ligës dhe tani po përgatitet...

Koha dritëplotë

Lajmet e Fundit