Qendërmbrojtësi i Milan-it, Fikayo Tomori, ka thënë se “vështirë është të gjendet një Paolo Maldini”.

Në një intervistë për “Sky Sports”, Tomori foli rreth shkuarjes së Maldini-t nga klubi dhe për objektivat e sezonit të ardhshëm për kuqezinjtë.

“Kur mendon për Milan-in, patjetër mendon për Maldinin. Kur erdha këtu e pashë atë çdo ditë në Milanello. Kam respekt sepse jam mbrojtës dhe dua të luaj në nivele sikurse luante ai kur ishte futbollist”, tha Tomori.

“Kur ai nuk është aty, askush nuk mund ta zëvendësojë. Klubi ka ndryshuar, por ne jemi të fokusuar në fushë. E vërtetë që nuk e kemi një simbol të ekipit si Maldini, por ne duhet të vazhdojmë”, shtoi mbrojtësi anglez.

Tomori foli edhe për dy transferimet e Milan-it nga ish-ekipi i tij, Chelsea.

“Ky vit do të jetë më i vështirë se në të kaluarën, ne po bëjmë diçka ndryshe me dëshirën e trajnerit. Loftus Check është një transferim i qëlluar, do ta shihni. Gjithashtu edhe Pulisic është një lojtar i shpejtë dhe e dëshiron golin.

“Unë e ndjej përgjegjësinë, por si të gjithë bashkëlojtarët e mi, duam të fitojmë. Vitin e kaluar në janar patëm 3-4 ndeshje që ndryshuan sezonin. Shpresoj se do të jemi më mirë sivjet. Duam të fitojmë”, tha mes tjerash Tomori.

Kujtojmë që Tomori iu bashkua Milan-it në janar të vitit 2021 fillimisht si huazim nga Chelsea, pastaj kuqezinjtë e blenë për shumën e 31 milionë eurove në verën e atij viti.

Që nga transferimi në “San Siro”, anglezi ka qenë një nga pikat më të forta në ekipin e Stefano Pioli-t.

Tifozët ultras të Paris Saint-Germain i kanë dërguar një mesazh të frikshëm Dusan Vlahovic-it, i cili është objektivi i kampionëve të Ligue 1.

Me Lionel Messi-n tani në Inter Miami dhe të ardhmen e Kylian Mbappe-s të pasigurt, Luis Enrique është i prirur të sjellë një sulmues të ri gjatë afatit kalimtar së verës.

Vlahovic, i cili gjithashtu ka qenë objektiv edhe i Chelsea-t dhe Tottenham-it, thuhet se është gjithashtu në radarin e gjigantëve francezë.

Megjithatë, ultrasit e klubit i kanë dërguar një paralajmërim kërcënues sulmuesit të Serbisë.

Ultrasit kanë pozuar jashtë stadiumit “Parc des Princes”, duke paralajmëruar se do t’ia presin gishtat nëse ai vjen nga Juventus-it

Në pankartë shkruhet: “Nëse vini, do t’ju presim tre gishtat”.

Gazeta spanjolle, “Marca”, pretendon se mesazhi është në përgjigje të tre gishtave që Vllahovic tregoi pas një ndeshje ndërkombëtare me Serbinë.

Tifozët i janë referuar gjestit nacionalist të sulmuesit 23-vjeçar i cili jo rrallë ka dhënë edhe mesazhe politike që kanë të bëjnë kryesisht me Kosovën.

Pas një ndeshje me kombëtaren e tij, Vlahovic e kishte veshur njëherë edhe një bluzë ku shihej në foto Kosova si pjesë e Serbisë.

Derisa gjesti me tre gishtat e ngritur është veprim që bëhet edhe në raste kur serbët duan të dërgojnë mesazhe për pronësinë e proklamuar prej tyre në raport me Kosovën dhe gjithashtu është përdorur si veprim nga paramilitarë serbë që kishin kryer krime në Kosovë.

Kujtojmë që Vlahovic nuk i ka përmbushur plotësisht pritshmëritë që kur iu bashkua Juventus-it në janar të vitit të kaluar nga Fiorentina për shumën e 80 milionë eurove.

Ai ka shënuar vetëm 23 gola në 63 ndeshje në të gjitha garat me fanellën bardhezi. Albanian Post