8.6 C
Prizren
E shtunë, 4 Prill, 2026
type here...
Home Blog Page 1588

Kurti në Kuvend: Jepjani mbështetjen Policisë e cila është në vijë fronti me milicinë fashiste

admin
-
0
Kurti në Kuvend: Jepjani mbështetjen Policisë e cila është në vijë fronti me milicinë fashiste

Kryeministri i Kosovës, Albin Kurti, para deputetëve në Kuvend ka folur për situatën në veri të vendit.

Ai tha se për gjendjen në terren deklaratat që lëshohen nga organet tona të sigurisë, janë ato që, siç u shpreh ai, janë të sakta edhe të vërteta.

“Për gjendjen ne terren, deklaratat që lëshohen nga organet tona të sigurisë, janë ato që janë edhe të sakta edhe të vërteta. Rolin kryesor në organizimin e protestuesve në terren janë duke e kryer anëtarët e formacionit ilegal të së ashtuquajturës mbrojtje civile dhe ish-pjesëtar të Policisë së Kosovës, ku është parë prezencë e madhe e tyre në terren. Këto protesta me gjithë dashakeqësinë e tyre neve na kanë shërbyer që të bëjmë identifikime të vlefshme”, tha ai,

Kurti para deputetëve kërkojë mbështetje për Policinë, duke thënë se kjo iu duhet atyre, përcjell Klankosova.tv.

“Për këtë përballje, Policisë së Kosovës i duhet Qeveria e Republikës së Kosovës, e ka, Policisë së Kosovës i duhet Kuvendi i Republikës, ju tregoni a e ka, Policisë së Kosovës, i nevojitet populli i Kosovës, e ka, pra është në dorën tonë kjo fitore e radhës për sundim të ligjit dhe kushtetueshmëri, Policia jonë ka nevojë për mbështetje, jepjani këtë mbështetje”, tha Kurti.

Tutje, teksa kërkojë mbështetje për ta, tha se Policia është në vijë fronti me milicinë fashiste.

“Jepjani këtë mbështetje Policisë së Republikës e cila është në vijë fronti me milicinë fashiste, nuk jemi kundër serbëve, i kemi ftuar që të kthene në institucione, iu kemi thënë merrni pjesë në proces demokratik, mirëpo gabimin e Listës Serbe që i bojkotoi zgjedhjet, që i braktisi institucionet, nuk duhet ta paguajë Republika jonë, por Lista Serbe, ai është vendim politik i tyre, pasojat e të cilit duhet t’i marrin ata vet”, u shpreh tutje ai.

Ushtria e Ukrainës: Më shumë se 200,000 trupa ruse të vrarë që nga fillimi i pushtimit rus

admin
-
0
Ushtria e Ukrainës: Më shumë se 200,000 trupa ruse të vrarë që nga fillimi i pushtimit rus

Rreth 208,000 ushtarë rusë janë vrarë që nga fillimi i pushtimit të Ukrainës nga Rusia, ka pohuar një zëdhënës i Grupimit Lindor të Forcave të Armatosura të Ukrainës.

Zëdhënësi Serhii Cherevati vuri në dukje se kjo shifër është më shumë se rreth 170,000 forcat ruse për të cilat ai thotë se ishin të përfshira në pushtimin fillestar në vitin 2022.

Ndërkohë, CNN nuk ka qenë në gjendje t’i konfirmojë në mënyrë të pavarur këto numra.

Vlerësimet e humbjeve ruse kanë ndryshuar nga burime të ndryshme, me administratën e Bidenit që pati thënë në maj se Rusia i ka pësuar më shumë se 100,000 viktima – që do të thotë të vrarë dhe të plagosur – që nga muaji dhjetor.

Kremlini zyrtar e pati hedhur poshtë atë shifër në atë kohë, me një zëdhënës të sajin duke thënë se SHBA “nuk ka absolutisht asnjë mënyrë për ta dhënë ndonjë shifër të saktë”.

Ministria ruse e Mbrojtjes nuk ka lëshuar përditësime mbi viktimat e saj që nga shtatori i vitit të kaluar, kur ministri i Mbrojtjes Sergei Shoigu tha se më pak se 6,000 ushtarë rusë janë vrarë./CNN

Vetaksident në Rahovec, lëndohet ngasësi i automjetit

admin
-
0
Vetaksident në Rahovec, lëndohet ngasësi i automjetit

Një vetaksident ka ndodhur në rrugën “Shkodrani” në Rahovec, ku është lënduar ngasësi i automjetit.

Këtë për Klankosova.tv e konfimuar edhe zëdhënësi i policisë për rajonin e Gjakovës, Sheremet Elezaj, i cili tha se ngasësi e ka humbur kontrollin mbi automjetin dhe është vetaksidentuar.

“Rreth orës 08:50 është raportuar aksident trafiku në rrugën “Shkodrani” në Rahovec. Policia ju ka përgjigjur rastit, ku ngasësi i një automjeti kishte humbur kontrollin mbi automjetin dhe ishte vetaksidentuar. Për pasojë përveç dëmeve materiale, ngasësi (mashkull i moshës madhore) ka pësuar lëndime të lehta trupore”, thuhet tutje në konfirmim.

Rexhaj shpjegon ‘ofertën’ e Kurtit: Nuk do të ketë zgjedhje blanko e të menjëhershme, duhet të de-kriminalizohet veriu

admin
-
0
Rexhaj shpjegon ‘ofertën’ e Kurtit: Nuk do të ketë zgjedhje blanko e të menjëhershme, duhet të de-kriminalizohet veriu
Deputeti i Vetëvendosjes, Arbër Rexhaj ka komentuar bisedën telefonike të kryeministrit të Kosovës, Albin Kurti me Zëvendëskëshilltarin për Siguri Kombëtare të Shteteve të Bashkuara të Amerikës, Jonathan Finer, ku u përmendën edhe zgjedhjet e reja në katër komunat veriore.

Rexhaj, duke folur në emisionin DPT te Fidan Jupolli ka thënë se nuk bëhet fjalë për zgjedhje të menjëhershme dhe blanko, por sipas tij do të ketë një proces ligjor dhe një proces de-kriminalizimi nga bandat në veri së pari.

Rexhaj ka thënë se më nuk do të ketë sanksione amerikane ndaj Kosovës.

“Aty është një hapësirë dhe një kohë. Nuk është fjala për zgjedhje blanko, të drejtpërdrejta, të menjëhershme. Është një proces. Besoj që kryeministri përmes tëeet-it të tij ka dashur ti thotë dy gjëra: që marrëdhëniet me SHBA-në nuk janë ashtu siç duken nga jashtë, nuk do të ketë sanksione të reja për Republikën e Kosovës”, ka thënë Rexhaj në emision.

Sipas Rexhajt, Kurti gjithashtu ka kërkuar që para zgjedhjeve, veriu të de-kriminalizohet nga bandat që kanë demonstruar dhunë ndaj KFOR-it, Policisë së Kosovës dhe gazetarëve.

“Ai ka dashur të thotë që zgjedhjet e reja në veri të Kosovës, nuk mund të mbahen në mënyrë blanko, sic dëgjoj analistë e opozitarë, si një marrëveshje blanko politike. Deri në zgjedhjet ka një proces, pra de-kriminalizimi i bandave kriminale, i atyre brigadave 72 që sulmuan edhe KFOR-in edhe me armë zjarri”, ka deklaruar ai.

Sipas tij, përmes kësaj telefonate është dëshmuar që VV nuk i ka prishur marrëdhëniet e Kosovës me SHBA-në, siç është akuzuar ditëve të fundit.

“Mesazhi i kryeministrit është që mohon ato zëra që VV i ka prishur marrëdhëniet me SHBA-në.

Prizren/ Dëshmitari thotë se me inspektorin e akuzuar nuk kishte marrëveshje për mbylljen e lokalit

admin
-
0
Prizren/ Dëshmitari thotë se me inspektorin e akuzuar nuk kishte marrëveshje për mbylljen e lokalit

Në Gjykatën Themelore në Prizren, të enjten, dëshmitari Bislim Bislimaj, pronar i market “Vrrini”, ka mohuar se me të akuzuarin Albrim Poniku ka pasur marrëveshje për mbylljen e marketit gjatë inspektimit në kohën e pandemisë.

Në këtë rast, i akuzuari Poniku, po ngarkohet se në cilësi të inspektorit Agjencionit të Ushqimit dhe Veterinarisë, nga telefoni i tij i ka dërguar Besart Bytyqit punëtor në market “Vrrini” një SMS, me përmbajtje:“Ej mshile se po vina ka ti”. Me ç’rast market “Vrrini” përfiton përparësi për mos t’u gjobitur për shkak të mosrespektimit të vendimit të Qeverisë, raporton “Betimi për Drejtësi”.

Bislimaj ka thënë se gjatë kohës së pandemisë por edhe tani ka kontratën me Policinë e Kosovës dhe Forcat e Sigurisë së Kosovës (FSK), për të cilët tha se lokali i tij është në shërbim 24 orë.

Tutje, ai tha se të akuzuarin Poniku nuk e ka njohur me emër por vetëm si inspektor dhe ka mohuar të ketë komunikuar ndonjëherë me të njëjtin.

Për këtë, prokurorja Ervehe Gashi e ka ballafaquar dëshmitarin Bislimaj me provën të cilën e ka propozuar Prokuroria, ku sipas saj në këtë provë gjenden transkriptat e bisedave që janë bërë me anë të rrjetit social “viber” mes të akuzuarit Poniku dhe dëshmitarit Bislimaj.

Mirëpo, këtë e ka mohuar Bislimaj duke thënë se nuk ka pasur marrëveshje me të akuzuarin Poniku dhe se nuk e ka njohur me emër, por sipas tij arsyeja e bisedës ka qenë të njoftohej rreth të drejtave të punës.

Ndër të tjera, dëshmitari Bislimaj tha se gjatë kohës së pandemisë vazhdimisht kanë pasur kontrolla të lokalit nga inspektorët së bashku me Policinë.

Në pyetjen e kryetares së trupit gjykues, gjykatëses Raima Elezi lidhur me arsyen e shqiptimit të dënimit të 3 shtatorit 2021 nga inspektorët, Bislimaj tha se dënimi është bërë për arsye se kanë gjetur njërin nga punëtorët duke pastruar.

Pas kësaj, me kërkesën e mbrojtësit të akuzuarit Poniku, avokatit Sylejman Klinaku për përgatitje të mbrojtjes, seanca e sotme është ndërprerë.

Seancat e radhës për këtë rast janë caktuar të mbahen më 7 dhe 10 korrik 2023.

Sipas aktakuzës së ngritur nga Prokuroria Themelore në Prizren, i akuzuari Albrim Poniku, po ngarkohet se më 3 shtator 2021 në cilësi të personit zyrtar, e keqpërdorë informatën zyrtare, me qëllim që për personin tjetër të përfitojë ndonjë përparësi që nuk i takon,

Sipas aktakuzës, Poniku në cilësi të inspektorit të Agjencionit të Ushqimit dhe Veterinarisë, në momentin kur kupton se janë duke shkuar të bëjnë inspektimin e market dhe qebaptoren “Vrrini”, e cila gjendet në afërsi të fshatit Vlashne, lidhur me respektimin e orareve të punës në situatë të pandemisë COVID-19 të përcaktuar nga Qeveria e Republikës së Kosovës, njofton punëtorin e këtij marketi, informatë në të cilën është qasur si rezultat i detyrës së inspektorit, e cila informatë nuk ka qenë publike.

Tutje, sipas aktakuzës i akuzuari Poniku nga telefoni i tij i dërgon Besart Bytyqit punëtor në market “Vrrini” një SMS, me përmbajtje “ej mshile se po vina ka ti” me ç’rast market “Vrrini” përfiton përparësi për mos t’u gjobitur për shkak të mosrespektimit të vendimit të Qeverisë.

Me këtë, ai akuzohet se ka kryer veprën penale “Keqpërdorim i informatës zyrtare” nga neni 416, par.1 të Kodit Penal. /BetimipërDrejtësi

Po vazhdon vendosja e rrethojave në parqet e Prizrenit

admin
-
0
Po vazhdon vendosja e rrethojave në parqet e Prizrenit

Po vazhdon vendosja e rrethojave në parqet e gjithë Komunës së Prizrenit.

Tashme ka përfunduar një pjesë e këtij projekti në lagjen Ortakoll, në afërsi të shkollës “Abdyl Frashëri”.

“Kufizimi i hapësirave të gjelbëruara publike shton vlerën e qytetit – ta ruajmë bashkë ambientin e Prizrenit tonë”, është shprehur kryetari i Prizrenit,Totaj.

Macron: Javët në vijim do të kemi vendime të qarta për situatën në Kosovë

admin
-
0
Macron: Javët në vijim do të kemi vendime të qarta për situatën në Kosovë

Presidenti francez Emmanuel Macron tha të enjten se kishte folur me kancelarin gjerman Olaf Scholz dhe se të dy kishin diskutuar dhunën aktuale në Kosovë me liderët e Kosovës dhe Serbisë, raporton Reuters.

Macron shtoi, në një mbledhje të liderëve politikë në Moldavi, se ai kishte rënë dakord së bashku me Scholzin dhe Vjosa Osmanin e Aleksandar Vuçiqin se do të kishte “vendime të qarta” në javët e ardhshme në lidhje me situatën në Kosovë, transmeton Klankosova.tv.

Presidentët e Kosovës dhe të Serbisë këmbëngulën të enjten se duan të zbutin situatën në terren, por treguan pak shenja të tërheqjes nga pozicionet e tyre kundërshtare. /Klankosova.tv

Modriqi pritet të largohet nga Reali

admin
-
0
Modriqi pritet të largohet nga Reali

Luka Modriq raportohet se ia ka komunikuar Real Madridit dëshirën për t’u larguar nga klubi.

Ky vendim tij thuhet se vjen pas ofertës që ka marrë prej 120 milionë eurosh nga Arabia Saudite.

Kontrata e kroatit skadon në qershor dhe ai ende nuk e ka nënshkruar vazhdimin e saj.

Ndërkaq tash, sipas Ok Diarios, Modriqi është tunduar nga oferta e majmë arabe.

Vdes gruaja që qëndroi 22 vite në gjendje koma nga plagët e pësuara në një sulm në Jerusalem

admin
-
0
Vdes gruaja që qëndroi 22 vite në gjendje koma nga plagët e pësuara në një sulm në Jerusalem

Një grua amerikano-izraelite ka vdekur pas 22 vitesh në gjendje kome nga plagët e pësuara në një sulm vetëvrasës palestinez në një restorant picash në Jerusalem.

Sipas mediave të huaja, përcjell Telegrafi, Chana Nachenberg ishte 31 vjeçe në kohën e sulmit në picerinë Sbarro, ku u vranë 15 persona të tjerë, përfshirë shtatë fëmijë dhe një grua shtatzënë.

Ajo është shtetasja e tretë amerikane që vdes si rezultat i bombardimeve në gusht të vitit 2001.

Dhe SHBA po kërkon ekstradimin nga Jordania të një gruaje të dënuar nga Izraeli për vrasje për rolin e saj në sulm.

 Chana Nachenberg ishte një nga 16 viktimat në atë shpërthim

Ahlam Tamimi, e cila ka lindur në Bregun Perëndimor të pushtuar dhe ka nënshtetësi jordaneze, ishte dënuar nga një gjykatë izraelite në vitin 2003.

Ajo u lirua në vitin 2011 si pjesë e një marrëveshjeje për lirimin e një ushtari izraelit të mbajtur rob për më shumë se pesë vjet nga militantët palestinezë të Hamasit në Gaza.

Tamimi thuhet se ndihmoi bombarduesin, Izz al-Din Shuheil al-Masri, të kryente sulmin. Ajo u vendos në Jordani pas lirimit të saj dhe ka folur “me krenari” për përfshirjen e saj në ngjarje. /Telegrafi/

Shkelet një e mitur në Prizren

admin
-
0
Shkelet një e mitur në Prizren

Një vajzë e mitur është shkelur nga vetura në Prizren.

Ajo ka marrë lëndime trupore dhe është dërguar për trajtim mjekësor në spitalin e Prizrenit.

Rr. Ëiljam Voker, Prizren (NN) 31.05.2023 – 17:10.Viktima femër kosovar e mitur, ka pranuar tretman mjekësor në spitalin e Prizrenit, pasi që është goditur nga një veturë në lëvizje me ngasës, i dyshuari mashkull kosovar. Rasti është duke u hetuar.

1...1 5871 5881 589...9 140Page 1 588 of 9 140

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne