Për nder të 25 vjetorit të pranisë së USAID-it në Kosovë, kryetari i Komunës së Prizrenit, Shaqir Totaj, mori pjesë sot në ceremoninë e shënimit të kësaj dite të rëndësishme, e cila u mbajt në qytetin e Prizrenit.

Pjesëmarrës në këtë ngjarje ishin Asistent Administratorja e Byronës për Evropë dhe Euro-Azi në USAID, Ambasadorja Sh.T. Erin Elizabeth McKee, Drejtoresha e USAID-it në Kosovë, Mary Eileen Devitt, ish-shefi i USAID-it në Kosovë, Jim Hop, përfaqësues të USAID-it dhe të shumë projekteve dhe programeve të mbështetura, si dhe mysafirë të tjerë të nderuar.

Totaj theksoi rëndësinë e përkrahjes së USAID-it për Kosovën, duke e cilësuar këtë organizatë si një partner kyç në zhvillimin e vendit.

Ai shprehu falënderime të veçanta për mbështetje të pakursyer që USAID-i ka ofruar në rinovimin dhe forcimin e institucioneve dhe infrastrukturës që u dëmtuan gjatë luftës, si dhe për kontribuimin e saj në vitet e lirisë dhe pasluftës.

“Përkrahja e vazhdueshme e USAID-it ka qenë dhe mbetet e pranishme në çdo aspekt të jetës së Kosovës, duke përfshirë rindërtimin e institucioneve dhe infrastrukturës së dëmtuar nga lufta. Ky partneritet tregon lidhjen e fortë dhe miqësinë e përhershme ndërmjet Shteteve të Bashkuara të Amerikës dhe Kosovës, si dhe respektin e ndërsjellë mes popujve tanë. Në emër të Komunës së Prizrenit dhe si qytetar i këtij vendi, jam shumë falënderues për praninë dhe mbështetjen e USAID-it në Kosovë, për bashkëpunimin në shumë sektorë dhe për perspektivën e ndritur që na pret në të ardhmen si rezultat i këtij partneriteti”, u shpreh  Totaj.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Kompania Rajonale e Ujësjellësit “Hidroregjioni Jugor” ka njoftuar qytetarët e Prizrenit për reduktime të furnizimit me ujë, të cilat vijnë si pasojë e temperaturave të larta tropikale dhe mungesës së reshjeve atmosferike gjatë sezonit të verës. Këto kushte klimatike kanë ndikuar ndjeshëm në burimet ujore, duke sjellë një rënie të theksuar të sasisë së ujit në burimet kryesore të qytetit, përcjell PrizrenPress.

Në njoftim, “Hidroregjioni Jugor” thekson: “Për të siguruar një shpërndarje sa më të drejtë dhe të balancuar për të gjithë konsumatorët, ekipet përgjegjëse të kompanisë janë duke bërë përpjekje për tejkalimin e kësaj situate dhe, si rezultat, kemi hartuar një orar të reduktimeve të furnizimit me ujë për zonat e ndryshme të qytetit”.

Sipas orarit të publikuar, furnizimi me ujë është ndarë në intervale të ndryshme për lagjet dhe rrugët kryesore të qytetit. Në disa zona, furnizimi do të jetë i kufizuar me presion të ulët ose i paqëndrueshëm jashtë orarit të përcaktuar.

Orari i reduktimit të furnizimit me ujë:

• 09:00 – 17:00: Lagja “Nënkala”, Rr. Sefedin Laçi, Sezai Suroi, Sheh Emini
• 17:00 – 06:00: Rr. Ukë Bytyqi, Janina, Behajdin Hallaqi, Beteja e Kabashit, Elena Xhika, Leskovci, Pellazgët, Te Kullat – Bazhdarhane
• 09:00 – 16:00: Lagja “Ralin”, Rr. Kosova, Hafëz Ismail Haki, Sami Frashëri, Adem Jashari (pjesërisht), Nënë Tereza, Edit Durham, Gjeladin Hana, Fahredin Hoti, Lagja “Lakuriq”
• 16:00 – 09:00: Rr. Rugova, Bedrush Qollaku, Xhavit Bajraktari, Zekirja Rexha, Shpend Berisha, Vëllezërit Dehiri
• 06:00 – 21:00: Lagja “Bajram Curi”
• 21:00 – 06:00: Lagjet “Arbana” dhe “Jeta e Re”

Kompania apelon qytetarët të përdorin ujin me kujdes dhe të shmangin çdo shpenzim të panevojshëm. “Mbështetja dhe mirëkuptimi juaj janë vendimtare për tejkalimin e kësaj situate”, thuhet në njoftim./PrizrenPress.com/

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve