Rozana Radi dhe Sany janë fituesit e edicionit të 24-t të “Kënga Magjike 2024”! Kënga “Akoma“mori kupën e fitores së festivalit magjik me 1452 pikë.
Në vend të dytë ata u ndoqën nga Eneda Tarifa dhe Ronela Hajati.
Pikët e publikut ishin vendimtaret që përcaktuan fituesit e vendit të parë, të dytë dhe të tretë duke ndryshuar renditjen.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Boksieri nga Prizreni, Armend Xhoxhaj, shënoi një tjetër fitore në boksin profesionist duke mposhtur kroatin Ivan Duka me pikë.
Meçi u zhvillua sonte në Magdeburg, Gjermani, ku Xhoxhaj tregoi dominim dhe teknikë të shkëlqyer.
Kjo fitore e radhës e konfirmon suksesin e tij në arenën ndërkombëtare.
Bora e shënoi fitoren e dytë në këtë edicion të ProCredit Superligës.
Prishtinasit në xhiron e 11-të fituan dramën ndaj Bashkimit me rezultat 87:86 (26:18, 23:24, 10:23, 28:21).
Te vendasit u dalluan Alex Aveion Lomax me 23 pikë e shtatë asistime dhe Adem Mekic me 19 pikë e gjashtë asistime, ndërsa te mysafirët u dalluan Jayveous Mckinnis me 16 pikë e 12 kërcime dhe Mack Smith me 24 pikë.
Bora ka dy fitore e tetë humbje, ndërsa Bashkimi tetë fitore e tri humbje./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Lideri i NISMA Socialdemokrate, Fatmir Limaj, gjatë një bashkëbisedimi me strukturën udhëheqëse të partisë në Prizren, kritikoi qeverisjen aktuale për neglizhimin e qytetit. Ai theksoi rëndësinë e veprimeve konkrete për të përmirësuar jetesën e qytetarëve.
“Në qytetin e Prizrenit, i cili është lënë pas dore nga qeverisja aktuale, zhvilluam një bashkëbisedim me strukturën udhëheqëse të NISMA-së.
Ndryshe nga qeverisja aktuale, e cila vazhdimisht ka injoruar këtë qytet, ne jemi të angazhuar për ta ndryshuar këtë kulturë neglizhimi dhe shkëputjeje nga qytetari, sepse Prizreni kërkon më shumë se fjalë, ta kërkojnë vepra të prekshme që mund të përmirësojnë jetesën e përditshme, infrastrukturën, arsimin, shëndetësinë e mbi të gjitha sigurinë.
E ardhmja e Prizrenit mund të jetë shumë më e mirë, prandaj duhen vepra konkrete, duhen veç vepra që do të lënë një ndikim të qëndrueshëm dhe të matshëm për brezat që do të vijnë”, deklaroi Limaj./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Dega e Lidhjes Demokratike të Kosovës (LDK) në Prizren ka zhvilluar një takim me ndërmarrësit hasjanë që operojnë dhe veprojnë në Rumani, për të diskutuar mundësitë e bashkëpunimit dhe zhvillimit ekonomik të Kosovës.
Takimi është organizuar me qëllim të forcimit të lidhjeve ndërkombëtare dhe promovimit të mundësive të investimeve në vend.
Kryetari i LDK-së në Prizren, Driton Selmanaj, ka ndarë disa momente nga ky takim dhe ka theksuar gatishmërinë e Lidhjes Demokratike për të marrë përgjegjësi në udhëheqjen e vendit.
Ai ka vlerësuar mundësitë që ofron diaspora hasjane, duke u shprehur se ata janë një pasuri e rëndësishme për zhvillimin ekonomik të Kosovës.
“Bashkëbisedim tepër miqësor dhe konstruktiv me ndërmarrësit hasjanë që veprojnë me sukses në Rumani. Lidhja Demokratike e Kosovës ka një obligim moral dhe politik që të kontribuojë në zhvillimin e vendit dhe ta bëjë Kosovën një vend më tërheqës për investitorët. Ne jemi të gatshëm të marrim përgjegjësi për udhëheqjen e Kosovës dhe ta udhëheqim vendin drejt një të ardhmeje më të mirë”, shkruan Selmanaj në Facebook.
Kryetari i LDK-së në Prizren ka theksuar rëndësinë e angazhimit të vazhdueshëm për krijimin e kushteve më të mira për tërheqjen e investitorëve dhe përmirësimin e kushteve të jetesës për qytetarët.
Ai ka falënderuar ndërmarrësit hasjanë për mikpritjen e ngrohtë dhe ka shprehur angazhimin e LDK-së për të përmirësuar lidhjet me diasporën dhe për të promovuar mundësitë e bashkëpunimit ekonomik.
Marketing
Përjetoni pushime të paharruar dhe dasma magjike në Hotel “Albes Residence”
Golden Eagle Ylli fitoi duelin verdhezi ndaj Pejës me rezultat 92:84 (39:16, 18:20, 19:16, 16:32), në javën e 11-të të ProCredit Superligës.
Te vendasit u dalluan Jalen Nesbitt me 20 pikë e nëntë kërcime, Lis Shoshi me 14 pikë e 11 kërcime dhe William Tavares me 22 pikë, katër kërcime e katër asistime, derisa te mysafirët më i miri ishte Dardan Berisha me 24 pikë, tri kërcime e tri asistime.
Golden Eagle Ylli ka gjashtë fitore e pesë humbje, ndërsa Peja pesë fitore e gjashtë humbje./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Kreu i NISMA Socialdemokrate, Fatmir Limaj, ka zhvilluar sot një vizitë në Dragash, ku ka takuar shtabin zgjedhor të partisë së tij. Gjatë takimit, Limaj ka adresuar shqetësimet e banorëve të kësaj komune, duke kritikuar qeverisjen aktuale për mungesën e vëmendjes ndaj qytetarëve të rajonit.
“Sot pata kënaqësinë të takoj shtabin zgjedhor të NISMA Socialdemokrate në Dragash. Gjatë rrugës për në Dragash, kalova nëpër veprat që i ndërtuam për përmirësimin dhe lehtësimin e jetës së qytetarëve. Fatkeqësisht, në vitet e fundit qytetarët e Dragashit kanë mbetur të harruar nga qeveria aktuale dhe po ballafaqohen me probleme të ndryshme”, deklaroi Limaj, përcjell PrizrenPress.
Ai theksoi se NISMA është e gatshme të rikthehet si një alternativë për zhvillimin e projekteve të mëdha dhe për përmirësimin e kushteve të jetesës në vend.
“NISMA po rikthehet fuqishëm aty ku e ka vendin, si nevojë për përmirësimin dhe avancimin e veprave të mëdha për vendin”, shtoi ai./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kryetari i Komunës së Dragashit, Bexhet Xheladini, priti në takim Veronika Vashchenko, Shefen e Zyrës së UNICEF-it në Kosovë.
Gjatë këtij takimi, Xheladini shprehu mirënjohjen e tij për ndihmën e vazhdueshme që UNICEF-i ka ofruar institucioneve të komunës, duke përfshirë arsimin, shëndetësinë dhe çështjet sociale.
“UNICEF-i ka qenë gjithmonë një partner i rëndësishëm për Komunën tonë, duke kontribuar në projekte që ndikojnë drejtpërdrejt në mirëqenien e fëmijëve tanë”, theksoi ai.
I pari i komunës përmendi disa projekte të suksesshme, si: Programi i vizitave shtëpiake; Përkrahja me staf, pajisje dhe orendi për çerdhen në Dragash; Hapja e qendrës për fëmijë me nevoja të veçanta në Dragash; Hapja e dy klasëve me bazë në komunitet në Bresanë; Ndërmjetësimi për ndërtimin e çerdhes në Bresanë; Përkrahja për shumë programe të tjera në dobi të fëmijëve.
Xheladini rikonfirmoi gatishmërinë e tij për të mbështetur çdo iniciativë që synon përmirësimin e kushteve të jetesës dhe mbrojtjen e të drejtave të fëmijëve në Komunën e Dragashit. Në përfundim të takimit, ai parashtroi disa kërkesa që kërkojnë vëmendje dhe përfshirje në planifikimet e ardhshme të UNICEF-it.
Nga ana e saj, Vashchenko falënderoi kryetarin dhe institucionet komunale për bashkëpunimin e frytshëm dhe ndau planet për iniciativat e ardhshme, me fokus në përmirësimin e arsimit, shëndetit dhe mbrojtjes sociale për fëmijët dhe të rinjtë e Dragashit.
Pas takimit, Xheladini dhe Vashchenko vizituan Shkollën Fillore “Fetah Sylejmani” në Dragash dhe Shkollën Fillore “28 Nëntori” në Bresanë, për të parë nga afër punën dhe përkushtimin që bëhet në këto institucione arsimore. Vizita shërbeu gjithashtu për të vlerësuar ndikimin e projekteve ekzistuese dhe për të identifikuar mundësi të reja bashkëpunimi.
Pas përfundimit të vizitave nëpër shkolla, Vashchenko vizitoi Qendrën “AVOKO” në Dragash, ku u njoh nga afër me aktivitetet që zhvillohen për të mbështetur komunitetin lokal./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Xhiroja e 11-të e Superligës së Basketbollit të Kosovës do të hapet me një përballje interesante ndërmjet skuadrave verdhezi, Golden Eagle Ylli dhe Peja, ish-kampionëve të kësaj lige.
Të dy skuadrat kanë një bilanc të njëjtë prej pesë fitoreve dhe pesë humbjeve, duke premtuar një sfidë të barabartë dhe plot emocion. Në takimin e parë të këtij edicioni, Ylli arriti të triumfojë me një rezultat të ngushtë 79:80, duke shtuar rivalitetin për këtë ndeshje.
Takimi do të zhvillohet në palestrën “13 Qershori” në Suharekë, sot në ora 17:00./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Në fshatin Jeshkovë të Prizrenit është raportuar një rast i zhdukjes së një vajze.
Sipas njoftimit nga Policia e Kosovës, dje rreth orës 14:20, një burrë ka denoncuar se vajza e tij është larguar nga shtëpia dhe vendndodhja e saj është e panjohur.
“Fsh. Jeshkovë, Prizren 06.12.2024 – 14:20. Ankuesi mashkull kosovar ka raportuar se vajza e tij është larguar nga shtëpia dhe nuk dihet për vendndodhjen e saj. Rasti nën hetime”, thuhet në raportin e policisë./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit