Deputetit të Nismës Zafir Berishës ka filluar t’i dhimbset kryetari i PDK-së, Hashim Thaçi, për gjendjen psikike në të cilën ka rënë. Ai thotë se koalicioni PDK-LDK, në seancën e kuluar kanë bërë mirë që në bufe kanë miratuar Ligjin për Shëndetin Mendor.

“Duke shiku emisionin “Zona e Debatit” erdhe në përfundim se kanë bërë mirë, edhe pse në bufe që kanë miratuar Ligjin për të sëmurët psikik, jam duke pa edhe një pacient në këto momente në TV. Kam menduar se veç Halil M. e ka vendin në ,,Shtime,, po jem të malltretuar në keto momente vetin e duke dëgjuar H.Th cka është i gjori te ,,shkretu,, qenka bbërë për gjynah , s’di a ka vendë ne..”, shkruan Berisha në Facebook./PrizrenPress.com/.

Vrasja me thikë nga bashkëshorti i saj i Zejnepe Bytyqi-Berishës mbrëmjen e së Premtes ka tronditë Suharekën. Ajo ka lënë pas 4 fëmijë, 3 vajza dhe 1 djalë, nga 15 deri në 6 vjeç. E pamja për të tashmë është hapur në të njëjtën kohë në dy familjet, në atë në Suharekë, dhe në fshatin Semetishtë, tek familja e gjinisë së saj.
Në shtëpinë ku ajo jetoi për 16 vite, e ku edhe u vra tre ditë më parë nuk pranojnë të flasin për vrasjen. Gazetës Express aty i është thënë se nuk dëshirojnë të flasin për rastin, pasi e tërë familja është e tronditur nga ngjarja.

Por të tronditur dhe të indinjuar janë familjarët e Zejnepës. Ata janë të indinjuar me organet e Drejtësisë të cilët, sipas tyre, ndonëse kanë qenë në dijeni për dhunën që N.Berisha ka ushtruar ndaj gruas së tij, nuk ka arritur ta parandaloj një masakër të tillë.

Ata thonë se e ndjera kishte paraqitë plotë 16 herë padi ndaj bashkëshortit të saj në policinë e Kosovës, por Policia e Kosovës nuk e ka mbajt, pasi që ai është betuar e nuk do të përsërit veprimet e njëjta.

“I fajësojmë organet e drejtësisë për gjithë këtë që ka ndodhur. Shteti nuk ka reaguar, nuk e ka shtri dorën e vetë për ta parandaluar këtë tragjedi. A duhet shteti me prit me u vra njerëzit, e më pas të reagoj”, shprehet një i afërm tjetër i viktimës.

E motra e Zejnepës, Hysnije Bytyqi- Shala, rrëfen për natën tragjike.

“Të premten në mbrëmje ai i ka kërkuar një kafe, ajo ia ka përgatit kafen, e fëmijën i ka dërguar në dhomë për të fjetur, në ato momente është kthyer nga motra jonë dhe e ka masakruar atë me thikë. Vajza e madhe e ka dëgjuar nënën e vetë duke bërtitur nga plagët dhe ka vrapuar tek ajo, e në ato momente ai i ka ra me thikë në dorë edhe vajzës”.

Në momentin kur e ka kryer krimin, ai ka vrapuar pas fëmijëve të cilët kanë dal nga dhoma në oborrin e shtëpisë. Ai e ka lënë thikën në oborr dhe është dorëzuar në Polici”, thotë ajo.

Ajo thotë se bashkëshorti i saj ka qenë gjithnjë përdorues i alkoolit, mirëpo ai e kishte ndërprerë atë në 5 vitet e fundit, për të rifilluar atë në muajin e fundit. Ditën e tragjedisë ai ka pirë pa kontroll thotë ajo.

Arsye për këtë thotë e motra e Zejnepës ishte edhe një thirrje nga një numër i panjohur në telefonin e nënës së saj. Sipas saj atij i është bërë fiksim ky numër. Familjar të Zejnepes i kishin premtuar atij që të shkojnë bashkë tek operatori Vala, për të sqaruar thirrjen, por ai nuk e ka pritur një gjë të tillë, dhe ka kryer aktin.

Zejnepja ishte motra e katërt e familjes Berisha. Ajo nuk kishte vëllezër dhe as babain.

Por Policia e rajonale e Prizrenit kanë deklaruar për Gazetën Express së viktima ka parqitur dy padi për dhunë në familje. Sipas komandantit Milazim Lumi, njëra padi ka qenë në vitin 2002, kur ai ka ushtruar dhunë në familje, ndërsa rasti tjetër në vitin 2012 kur ai ka ushtruar dhunë ndaj vajzës së tij. Sipas Lumit, policia e Kosovës ka përcjellur rastin për muaj të tërë, deri në kohën kur viktima i kishte deklaruar atyre se marrëdhëniet mes tyre tashmë ishin përmisuar.

Është vetëplagosur një person në fshatin Zhur të Prizrenit.Policia njofton se viktima është dërguar për trajtim mjekësor në Spitalin e Prizrenit.

“Një mashkull pasi që kishte dalë për gjah nga pakujdesia është vetëplagosur, me ç’rast i njëjti ka pësuar lëndime trupore për çka dhe është dërguar për trajtim mjekësor në spitalin e Prizrenit”, njofton Policia e Kosovës.

“Në shtëpinë e të dyshuarit është konfiskuar në pushkë gjuetie me të cilën dyshohet se është kryer vepra”.

“Me vendim të prokurorit rasti shkon në procedurë të rregullt”./PrizrenPress.com/

Grupi i Grave Deputete ka shprehur shqetësimin për përmasat që po merr dhuna gjinore, përherë në rritje dhe jo rrallë herë me humbje të jetëve të grave dhe vajzave tona.

Deputetet theksojnë se ky është edhe një tjetër krim i tmerrshëm ndodhi në një familje shqiptare në Suharekë, një ngjarje që na përkujton se sa të brishtë jemi si shoqëri dhe si femra në veçanti.

“Zejnepe Bytyqi – Berisha është viktima e radhës e cila nuk arriti t’i shpëtojë plagëve të marra me thikë, të shkaktuara nga bashkëshorti i saj. Nuk mund të mos e themi se Diana Kastrati dhe Zejnepe Bytyqi janë viktima të dështimit të drejtësisë për t’ju ofruar mbrojtje! Dhe ky rast tregon se sundimin e ligjit duhet ta shtrijmë në të gjitha nivelet, ndërkaq kujdesin me të madh duhet ta tregojmë te vetë familjet dhe rrethi ynë i ngushtë, sepse aty kanë vendin themelet e shtetit dhe shoqërisë sonë”, thuhet në reagim.

GGD ngushëllon familjen, të afërmit dhe miqtë e së ndjerës duke dëshiruar që ata të gjejnë forcë për ta përballuar humbjen e njeriut të tyre të dashur.

GGD kërkon nga organet gjegjëse të sjellin para drejtësisë autorin e krimit dhe t’i japin dënimin e merituar, ndërkaq shteti të kthejë vëmendjen tek viktimat e dhunës së krimit në familje.

Presidentja e Republikës Atifete Jahjaga këtë javë pritet ta dërgojë për interpretim në Gjykatën Kushtetuese marrëveshjen e arritur në Bruksel mes Prishtinës dhe Beogradit për Asociacionin e Komunave me shumicë Serbe, thonë burime të Gazetës Express.

Shefja e Shtetit po përpiqet ta zgjidh situatën e krijuar në Parlamentin e Kosovës mes Qeverisë dhe Opozitës, duke i kërkuar Gjykatës Kushtetuese një interpretim për marrëveshjet e arritura në Bruksel mes dy kryeministrave.

Opozita është e bindur se më këtë marrëveshje është shkelur Kushtetuta, dhe për këtë ka bllokuar fizikisht Parlamentin e Kosovës. Qeveria, ndërkaq, mban një qëndrim krejtësisht tjetër; sipas tyre marrëveshja është në përputhje me Kushtetutën dhe plotësisht në të mirë të Kosovës.

Presidentja takoi palët javën e kaluar, kurse këtë javë, sipas burimeve të Gazetës Express, do ta dërgojë lëndën në Gjykatë.

“Presidentja është e bindur se Gjykata Kushtetuese, përmes interpretimit të marrëveshjes, do ta krijojë një ambient tjetër politik; më të përshtatshëm për dialog mes dy palëve”, tha një burim i Express, afër Presidentes së Republikës.

Pavarësisht kësaj, Opozita nuk është shumë entuziaste me ofertën e Presidentes. Sipas tyre, fillimisht duhet që Kryeministri Mustafa të heq nënshkrimet nga marrëveshja me Serbinë, e tek më pas të deklarohet Gjykata Kushtetuese. /Gazeta Express