Për lajmin se PDK dhe EULEX-i i kanë përgatitur denigrimin dhe akuzat ndaj kryetarit të Nismës për Kosovën, Fatmir Limaj, u shpreh edhe deputeti Zafir Berisha.

Në emisionin “Rrokum Roll” me Fidan Jupollin në Rrokum TV, ai tha se në vitin 2010, kur ishte larguar nga PDK, EULEX-i bashkë me partinë e Hashim Thaçit, i kanë intervistuar ish-ushtarët që kanë qenë nën komandën e tij, gjatë luftës së fundit në Kosovë.

“Këto janë metoda shantazhuese dhe denigruese janë për krejt ata anëtarë që largohen nga PDK. Për rastin e Limajt gjithmonë kam besuar se është dosje e përgatitur. Asnjëherë nuk kam dyshuar se Limaj ka bërë diçka”, ka thënë Berisha.

Kryetari i Nisma për Kosovën Fatmir Limaj thotë se Hashim Thaçi në kohën kur ishte Kryeministër i kishte dhënë atij sms’të e montuara. Tha se 15 vjet pas luftës asnjë ministër ose ish-ministër tjetër përveç tij nuk është nën hetime, dhe për këtë ai është shprehur i habitur.

Duke folur për çështjen e sms-ve për rastin e MTPT’së, Fatmir Limaj ka thënë se ish-kryeministri Hashim Thaçi, ia ka dhënë sms-të, për të cilët Limaj thotë se janë të montuar.

“Kam kërkuar që z.Thaçi të vjen dhe të sqarohet sepse unë i kamë thanë Prokurorit. Kur më ka thirrë mu Prokurori: Kush t’i ka dhanë sms’të unë i kam thanë z.Thaçi. Dhe natyrshëm duhet me ardhe ai atje edhe me thanë se po, i kom dhanë sms’të”, tha Limaj në ‘Click’ në RTV 21.

Limaj tha se sms’të janë të montuara dhe se Thaçi si Kryeministër në atë kohë, duhet të tregoj arsyet e një veprimi të tillë.

“Kryeministri i vendit mi ka dhanë në dorë sms’të e montuara. Ai mi ka dhanë sms’të, ai mi ka dhanë emrat e atyre të cilët i kanë sjellë ata sms dhe ajo duhet me u folë në Gjykatë sepse sms’të janë të montuara”, tha ai.

Fatmir Limaj thotë se vazhdon të besoj në drejtësi, pavarësisht se në media kanë qarkulluar lajme se zyrtarë të PDK’së në bashkëpunim me EULEX’in, kishin tentuar të dënonin atë. Thotë se që nga fillimi i proceseve gjyqësore ndaj tij është parë se ‘diçka nuk ishte në rregull’ derisa beson se ajo që u publikua në media ishte vetëm ‘një pjesë’ e asaj që ka ndodhur në të vërtetë.

Limaj tha se pas publikimit të artikullit, Presidentja është dashur të reagonte.

“Ne nuk kemi kërku asgjë nga Presidentja përveçse Presidentja është dashtë të reagoj vetëse këtu në esencë kemi shkelje të të drejtave, që Presidentja e Republikës së Kosovës është garantuese, mbrojtëse e kushtetueshmërisë në këtë vend”, tha Limaj në ‘Click’ në RTV 21.

Ndërkaq, tha se i duket ‘interesante’ heshtja e PDK’së lidhur me këtë çështje. Tha se anëtar të Kryesisë së PDK’së i kanë telefonuar për këtë çështje.

“Mos reagimi i Partisë Demokratike, është kjo është për mu shumë interesante”, tha Limaj.

Tha se kishte sinjale edhe më parë se në gjykimet ndaj tij, nuk ishte gjithçka siç duhej.

Eshref Shemallari, që ka pranuar se ka kryer vrasjen e trefishtë të dielën në Prizren, ka deklaruar në polici se këtë akt e ka bërë në shenjë hakmarrje për rrahjet dhe poshtërimet që ia kanë bërë viktimat e krimit.

Ai ndërkaq ka mohuar që djali i tij, Ejup Shemallari të jetë përzier në këtë punë, pos që ka qenë në shoqërimin e tij në momentin kritik. “Djali nuk ka qëlluar dhe qëndron në arrati për shkaqe sigurie”, ka thënë ai gjatë deklarimit në polici, në praninë edhe të avokatit mbrojtës. Sipas tij edhe djali do të dorëzohet së shpejti, shkruan Zëri.

Gjatë paraditës dorasi është dorëzuar në Stacionin Policor në Prishtinë.

Drejtori i Policisë për rajonin e Prizrenit, Nexhmi Krasniqi ka thënë për “Zërin” se gjatë deklarimit dorasi ka pranuar se e tëra ka ndodhur për shkak të hakmarrjes, pasi sipas tijviktimat Ferdi Shishko, Haki Thaçi dhe Bilgin Ersoji e kishin rrahur e therë atë dhe e kishin rrahur edhe djalin e tij.

Nënkoloneli Krasniqi, tha se dorasi ka dorëzuar vetëm pistoletën me të cilën ka kryer krimin, ndërsa jo edhe kallashnikovin, të cilin ka deklarar se e ka fshehur në pjesën e “Marashit” në periferi të Prizrenit, por që kjo armë nuk është gjetur aty ku kishte deklaruar se e ka lënë ai, transmeton Zeri.info.

Sipas policisë, Shemallari sot nuk ka dalur edhe para Prokurorit, ndërsa i është caktuar masa fillestare e parabrgimit prej 48 orësh.

Bora në malet e Berishës, ku gjinden disa fshatra të Komunës së Malishevës, ka arritur në disa vende deri në afro dy metra, mirëpo rrugët nga pasditja e djeshme, janë të gjitha të kalueshme dhe nuk ka asnjë rrugë të bllokuar nga bora. Këto fshatra sot i ka vizituar përsëri kryetari i Komunës së Malishevës së Malishevës, Ragip Begaj, ku ka parë nga afër rrugët e këtyre fshatrave, si dhe punën që ka bërë njësia e “Eko regjionit” në Malishevë, e cila i ka hapur të gjitha rrugët.

Banorët e Berishës dhe Fshatit të Ri, dy fshatrat më të thella, kanë falënderuar komunën dhe të gjithë punëtorët e “Eko regjionit”, të cilët për 48 orë pa ndërprerë kanë punuar në hapjen e rrugëve, pasi sasia e borës ishte shumë e madhe dhe erërat kanë bartur borën, duke krijuar pengesa të mëdha në rrugë.

Kompania “Eko regjioni”, përgjegjëse për mirëmbajtjen e rrugëve gjatë dimrit, gjatë tërë fundjavës ka qenë e angazhuar në largimin e borës nga rrugët, ndërsa në 48 ortë e fundit, kanë qenët të angazhuar vetëm në këtë pjesë, ku me katër makina të rënda, kanë larguar borën nga rrugët, duke e mundësuar qarkullimin e banorëve të kësaj pjesë dhe lidhjen me qendrën komunale.

Kryetari i fshatit Berishë, Eshref Berisha, pasi u takua me kryetarin Begaj, e ka falënderuar atë për angazhimin e komunës në hapjen rrugëve në këtë pjesë, si dhe për vizitat e vazhdueshme dhe kujdesin e treguar. Berisha, po ashtu ka falënderuar të gjithë ata që anë qenë të angazhuar në largimin e borës.

Sapo janë varrosur edhe dy të vrarët e tjerë të vrasjes së para dy ditëve në Prizren.

Viktimat Ferdi Shishko dhe Bilgin Ersoy, janë varrosur në orën 15:00 në “Varrezat e Myslimanëve”, në Prizren, raporton Express.Ndërkohë njëri nga dorasit është dorëzuar në polici dhe e ka pranuar fajësinë.