Që nga viti 1989 kur ishte emëruar si president i Serbisë, diktatori dhe gjakpirësi Sllobodan Millosheviç ka zhvilluar tri luftëra të mëdha në Kroaci, Bosnje dhe Kosovë.
Regjimi i tij është përgjegjës për më shumë se 200 mijë persona të vrarë, dhjetëra mijëra të tjerë të plagosur, dhjetëra mijëra gra të dhunuara e milion të zhvendosur nga shtëpitë e tyre, transmeton “Zëri”.
Ai nesër bënë 9 vite nga vdekja e tij në Gjyqin e Hagës duke mbetur kështu pa u dënuar për krimet e shkaktuara. Millosheviq është një prej kriminelëve më të mëdhenj të shekullit të kaluar.
Ndërsa sot, tentohet që një rruge në Kosovë respektivisht në komunën e Ranillugut, t’i vihet emri i tij.
Lufta që nisi në Kroaci në mars të vitit 1991 e që zgjati 4 vjet e 7 muaj deri në nëntor të vitit 1995, kishte lënë të vdekur mbi 15 mijë kroatë duke përfshirë këtu ushtarë dhe civilë.
Mbi 37 mijë kroatë ishin plagosur ndërsa rreth 400 mijë të tjerë kishin lëshuar vendin si refugjatë, transmeton zeri.info. Ende më keq e kishte pësuar Bosnja.
Lufta që nisi në Bosnje në prill të vitit 1992 dhe e cila zgjati për afro 4 vite ka lënë mbi 100 mijë boshnjakë të vdekur. Rreth 40 mijë gra boshnjake ishin dhunuara ndërsa mbi 2 milion të tjerë ishin larguar nga shtëpitë e tyre duke e bërë këtë konfliktin më shkatërrues në Evropë që nga Lufta e Parë Botërore, transmeton Zeri.info.
Krimi i tij i fundit përfundoi në Kosovë. Forcat kriminale të Millosheviqit kanë vrarë mizorisht mbi 10 mijë shqiptarë të Kosovës. Afro 1 milion ishin larguar nga Kosova ndara edhe sot ka ende shumë viktima trupat e të cilëve nuk janë gjetur.
Ndërsa sot, tentohet që një rruge në Kosovë respektivisht në komunën e Ranillugut, t’i vihet emri i tij. Kjo nuk do të ndodhë kurrë. /Zeri/