Një person ka gjetur vdekjen ditën e sotme pas një aksidenti të ndodhur në aksin rrugor Pushimi i shoferit-Divjakë. Ngjarja është shënuar në orët e para të mëngjesit, ku 59-vjeçari Petraq Kina, 59 vjeç, nga fshati Gradishtë është përplasur për vdekje nga një automjet teksa kalonte rrugën me biçikletë.
Viktima është gjetur disa orë më vonë, në një kanal nga kalimtarë të rastit të cilët kanë njoftuar menjëherë policinë.
Policia ka nisur hetimet për të zbardhur shkaqet e aksidentit të rëndë, ndërsa nga hetimet paraprake dyshohet se 59-vjeçari është përplasur nga një makinë që ka qenë duke udhëtuar me shpejtësi mjaft të lartë, pasi në vendngjarje nuk janë gjetur fare gjurmë frenimi të gomave.