Një aksident ka ndodhur në autostradën “Ibrahim Rugova”.
Në aksident janë përfshirë dy vetura, nuk dihet ende nëse ka të lënduar.
Amazon e njeh zyrtarisht shtetin e Kosovës
Oda Amerikane në Kosovë dhe Zyra e Presidencës kanë njoftuar se gjiganti teknologjik “Amazon” e ka njohur zyrtarisht shtetin e Kosovës.
Pra nga tash e tutje edhe Kosova do të figurojë në platformën e “Amazon”.
“Kjo arritje vjen si rezultat i takimeve të nivelit të lartë të mbajtura në tetor 2024, ndërmjet Presidentes së Republikës së Kosovës, Dr. Vjosa Osmani-Sadriu dhe përfaqësuesve të gjigantit teknologjik Amazon në Uashington D.C., SHBA”.
“Këto diskutime janë gjithashtu pjesë e përpjekjeve të vazhdueshme të ndërmarra nga Task Forca për Diplomacinë Digjitale, një iniciativë e Odës Ekonomike Amerikane në Kosovë, me mbështetje të rëndësishme nga Ambasada e SHBA-së në Prishtinë”, thuhet në njoftim.
Tutje vlerësohet se kjo gjë do t’u lehtësojë qasjen konsumatorëve.
“Ky zhvillim gjithashtu lehtëson qasjen për konsumatorët, të cilët tani mund të lidhen pa pengesa me një nga platformat më të mëdha të tregtisë elektronike në botë si dhe përdorimin e shërbimeve si Amazon Web Services (AËS), Amazon Alexa, etj. Ky përparim është një dëshmi e qartë e fuqisë së diplomacisë dhe bashkëpunimit publiko-privat në avancimin e interesave ekonomike dhe zhvillimit të Kosovës”, thuhet tutje aty.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Prizreni siguron grantin mbi 2 milionë euro për projekte zhvillimore në 2025
Kryetari i Komunës së Prizrenit, Shaqir Totaj, ka nënshkruar sot marrëveshjen e përgjithshme për shfrytëzimin e grantit të Performancës Komunale për vitin 2025.
Marrëveshja, e firmosur në bashkëpunim me zëvendësministrin e Administrimit të Pushtetit Lokal, Arbër Vokrri, vjen si rezultat i performancës së lartë të Komunës së Prizrenit gjatë vitit 2023.
Në njoftimin e komunës thuhet se grantin, në vlerë prej 2,047,132.85 euro, do ta gëzojnë qytetarët e Prizrenit përmes projekteve të rëndësishme që do të realizohen për të përmirësuar cilësinë e jetës së tyre./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
KEDS-i angazhon rreth 1000 punëtorë dhe makineri të mjaftueshme për festat e fundvitit
KEDS-i ka njoftuar të gjithë konsumatorët se janë bërë të gjitha parapërgatitjet e duhura për festat e fundvitit.
Sipas KEDS-it, përgjatë tërë verës janë kryer të gjitha mirëmbajtjet e parapara të rrjetit elektrik shpërndarës dhe janë implementuar afro 280 projekte në kuadër të planit investiv, me qëllim që të kemi një rrjet të qëndrueshëm.
“Për festat e fundvitit, KEDS ka angazhuar rreth 1000 punëtorë, të cilët do të jenë në dispozicion që konsumatorët tanë të kremtojnë me drita. Përveç tyre, KEDS ka angazhuar edhe makineri të mjaftueshme si mbështetje logjistike e punëtorëve në mënyrë që intervenimi, në rast nevoje, të jetë sa më i shpejtë dhe efektiv. Po ashtu, për festat e fundvititi do të jenë në dispozicion 135 makineri e automjete, prej tyre: 68 vetura, 31 platforma, 16 makineri të rënda, 16 bagerë dhe 4 automjete për detektimin e kabllove”, ka njoftuar KEDS-i.
Më tej thuhet se aktualisht, sfidë vazhdon të mbetet rajoni i Ferizajt, Gjakovës, Rahovecit, Prizrenit dhe Gjilanit, si pasojë e mbingarkesave të shkaktuara.
“Në Malishevë, si rezultat i implementimit të super-përçuesit nga KEDS-i, kapacitetet janë dyfishuar dhe situata po qëndron më mirë krahasuar me vitet e kaluara. U bëjmë thirrje të gjithë konsumatorëve që të kursejnë energjinë elektrike kudo që është e mundur. Kujdes të shtuar të kihet me ngrohjen me energji elektrike. Ftojmë konsumatorët që nëse kanë alternativa të tjera për ngrohje, t’i përdorin ato. Çdo përpjekje për kursim kontribuon në lehtësimin e ngarkesës dhe në përmirësimin e situatës për të gjithë. Falënderojmë konsumatorët për mirëkuptimin dhe mbështetjen e tyre gjatë këtyre sfidave. Paçi një vit të mbarë e të suksesshëm, ju dhe familjet e juaja! Gëzuar Viti i Ri 2025!”, ka njoftuar KEDS-i.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Policia shqiptoi 1505 gjoba trafiku për 24 orë
Policia e Kosovës ka bërë të ditur se brenda 24 orëve të kaluara ka shqiptuar 1505 gjoba në trafik.
Sipas raportit të policisë, gjatë 24 orëve të fundit janë evidentuar disa aksidente në trafikun rrugor, 33 aksidente kanë qenë me lëndime dhe 88 me dëme materiale.
Gjatë kësaj periudhe, policia njofton se janë arrestuar 13 persona, ndërkaq 8 të tjerë janë dërguar në mbajtje.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Rock Koncerti i Fundvitit sonte në Prizren
Sonte, në ora 21:30, në Kej, mbahet edicioni i tretë i Rock Koncertit të Fundvitit, i organizuar nga OJQ “Zambaku i Prizrenit 1986”.
Në skenën festive do të performojnë: Grupi Kape Ritmin, Dren Abazi & Zigzagorchestra dhe Gjeneral Gramafoni, përcjell PrizrenPress.
Ky aktivitet, tashmë një traditë në Prizren, shënon mbylljen e vitit me muzikë dhe atmosferë të veçantë në Sheshin e Lidhjes./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Komuna e Dragashit dhe KEDS-i pajtohen për bashkëfinancimin e projektit me vlerë mbi 770 mijë euro
Komuna e Dragashit ka njoftuar se ka nënshkruar memorandumin e bashkëpunimit me KEDS-in për financimin e projektit që parasheh përmirësime në rrjetin elektro-energjetik.
“Në ambientet e selisë qendrore të KEDS-it, është nënshkruar Memorandumi për Bashkëfinancimin e projektit me titull: ‘Rrjeti i TM 10(20) kV dhe TU 04 kV – Restelicë (Globoqicë/Krushevë/Restelicë) si dhe rrjeti TM 10(20) kV dhe TU 04 kV – Brod’”, thuhet në njoftimin e Komunës së Dragashit.
Marrëveshja është nënshkruar nga kryetari i Komunës, Bexhet Xheladini dhe Alpin Dogan nga KEDS.
“Kryetari Xheladini, që nga fillimi i mandatit të tij, ka zhvilluar disa takime me strukturat e KEDS-it për realizimin e këtij projekti. Informatën për dakordimin e KEDS-it për nënshkrimin e Memorandumit e kemi pranuar nga deputetja e Parlamentit të Kosovës, Duda Balje, e cila kishte zhvilluar takime të shumta me strukturat udhëheqëse të KEDS-it dhe ZRRE-së”, thuhet në njoftim.
Aty sqarohet se vlera totale e projektit është 772,040.87€, nga të cilat 55% e vlerës do të mbulohet nga KEDS-i dhe 45% e vlerës do të sigurohet nga buxheti komunal për komunitetin joshumicë përkatësisht pozicioni “bashkëfinancim me donatorë”.
“Procedurat e tenderimit për këtë projekt do të zhvillohen nga KEDS, ndërsa Komuna e Dragashit do të caktojë një organ mbikëqyrës. Implementimi i projektit pritet të fillojë sapo të krijohen kushtet e volitshme të motit dhe do të përfundojë brenda 18 muajve nga data e nënshkrimit të kontratës”, thuhet në njoftim, raporton Telegrafi.
Pas nënshkrimit të memorandumit, sipas njoftimit, kryetari Xheladini ka kërkuar nga strukturat e larta të KEDS-it që të ndërmarrin masa urgjente për përmirësimin e furnizimit me energji elektrike dhe rritjen e tensionit të rrymës, duke theksuar nevojën për investime në rrjetin e tensionit të ulët dhe në stacionet transformuese (trafostacione).
“Gjithashtu, ai shprehu pakënaqësinë për faktin që energjia e prodhuar nga hidrocentralet lokale nuk përdoret për nevojat e Komunës së Dragashit. Përgjigjja e KEDS-it ishte se aktualisht nuk ka mundësi teknike për realizimin e kësaj kërkese, derisa të vihet në funksion rrjeti 110 kV në Mejdan të Shajnes”, përfundon njoftimi i Komunës së Dragashit.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Rriten çmimet e artikujve në prag të festave, kërkohet aktivizim i Inspektoratit të Tregut
Në prag të festave të fundvitit, qytetarët e Kosovës po përballen me një rritje të konsiderueshme të çmimeve të produkteve të ndryshme, veçanërisht atyre ushqimore dhe të konsumit të përditshëm.
Ky trend ka shkaktuar shqetësime te shumë familje, të cilat tashmë e kanë të vështirë të përballojnë shpenzimet në prag festave.
Ndërkohë që kërkesa për produkte rritet në këtë periudhë, bizneset dhe konsumatorët janë të detyruar të përballen me rritje të ndjeshme të kostove, çka ka pasur ndikim të drejtpërdrejtë në buxhetet familjare.
Edhe sipas Agjencisë së Statistikave të Kosovës, çmimet e konsumit për muajin nëntor janë më të larta këtë vit, duke u rritur për 0,7%, krahasuar me muajin e njëjtë të vitit 2023.
Njohësit e fushës së ekonomisë kanë vlerësuar, se Qeveria nuk po ndërmerr asnjë hap për uljen e çmimeve dhe lehtësimin e jetesës së qytetarëve duke thënë se rritja e çmimeve për fund vit zbeh ngrohtësinë e festave, raporton Front Online.
Artikullin e plotë mund ta gjeni këtu.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Sot varroset avokati Nexhat R. Elshani
Sot,në fshatin Medvec, do të varroset avokati Nexhat R. Elshani.
Ceremonia e varrimit fillon në ora 14:30, në varrezat e fshatit, pranë Xhamisë.
Avokati Nexhat R. Elshani, një figurë e njohur dhe e respektuar në fushën e drejtësisë.
Ai ndërroi jetë në Itali./PP
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Moti sot me diell e vranësira të pakta
Moti sot do të jetë me diell dhe vranësira të pakta, më shumë për gjatë relievit malor.
Në mëngjes ngrica dhe kushte për mjegull.
Temperaturat minimale do të shënohen ndërmjet -6 deri -3°C, ndërsa ato maksimale mes 2 dhe 6°C.